Nepaldyq jasóspirim álemdegi eń bıik 14 shyńǵa shyǵyp, rekord ornatty

<p>ASTANA. KAZINFORM &ndash; 18 jastaǵy nepaldyq Nıma Rındjı seriktesi Pasang Nýrbýmen birge 9 qazan kúni jergilikti ýaqyt boıynsha tańǵy saǵat 6:05-te 8027 metrlik Shısha-Pangma shyńyna shyqqan eń jas adam atandy. Bul týraly <a href="https://edition.cnn.com/2024/10/10/sport/nima-rinji-sherpa-record-intl-spt/index.html" target="_blank" rel="noopener">CNN </a>habarlady.</p>

Basylymnyń málimetinshe, Shısha-Pangma 8000 metrlik 14 shyńnyń biri, olardyń barlyǵyn Halyqaralyq alpınızm federatsııasy teńiz deńgeıinen 8000 metr bıiktikte dep tanyǵan. Nımanyń jetistigin Nepal alpınızm qaýymdastyǵy da moıyndady.

Gınnestiń rekordtar kitabyna sáıkes, buǵan deıin 2019 jyly Mıngma Gıabý 30 jasynda barlyq 14 shyńdy baǵyndyrǵan. Jańa rekordty bekitýge birneshe apta ketýi múmkin.

Málimetter boıynsha, Nıma óziniń epıkalyq saparyn 2022 jyldyń qyrkúıeginde Nepaldaǵy 8 163 metrlik Manaslý taýyna shyǵýdan bastaǵan. Kelesi eki jylda ol 8000 metrlik shyńdardyń barlyǵyn, sonyń ishinde álemdegi eń bıik Everest (8 848,86 metr) jáne qaýipti K2 (8 611 metr) shyńdaryn baǵyndyrdy.

Aıta keteıik, Aqmolalyq jigit Elbrýs shyńynda «Adaı» kúıin oınap, jurtty tánti etti.