Nepalda zilzaladan 120-dan astam adam qaza tapty

<p>Nepalda bolǵan zilzaladan 120-dan astam adam mert boldy, ondaǵan turǵyn jaraqat aldy. <a href="Kazinform" target="_blank" rel="noopener">Kazinform</a> bul týraly <a href="https://www.dw.com/ru/zertvami-zemletrasenia-v-nepale-stali-bolee-120-celovek/a-67302871" target="_blank" rel="noopener">DW </a>basylymyna silteme jasap habarlaıdy.</p>

4 qarashada, senbige qaraǵan túni Nepaldyń batysynda joıqyn zilzala bolyp, 128 adam qaza tapty, ondaǵan turǵyn jaralandy, dep habarlady jergilikti bılik.

Nepaldyń jer silkinisine monıtorıng jasaý jáne zertteý Ulttyq ortalyǵy 6,4 baldyq zilzalany tirkedi.

Olardyń deregi boıynsha, zilzala epıtsentri Nepal astanasy Katmandýdan 400 shaqyrym jerde ornalasqan Djaıarkot aýdanynda bolǵan. AQSh geologııa qyzmeti zilzala magnıtýdasyn 5,6 dep, Úndistan seısmologııa ortalyǵy - 6,4, Potsdamdaǵy nemistiń Geofızıkany zertteý ortalyǵy (Geoforschungszentrum, GFZ) 6,2 dep baǵalady.

Úıindi astynda áli de adamdar bar ekenin eskersek, qurbandar sany artýy múmkin.
BAQ habarlaýynsha, Nepaldaǵy jerasty dúmpýin tipti Úndistan astanasy Nıý-Delı turǵyndary da sezgen.

Úkimet izdeý-qutqarý jumystaryna kómektesý úshin qaýipsizdik kúshterin jiberdi.
Nepalda zilzala jıi bolady. 2015 jyly 7,8 baldyq jer silkinisinen 9000-ǵa jýyq adam qaza taýyp, mıllıondaǵan ǵımarat zaqymdalǵan bolatyn.