Nepalda kóshkin eki avtobýsty aǵyzyp ketti, qutqarýshylar 70-ke jýyq adamdy izdep jatyr

<p>ASTANA. KAZINFORM &mdash; Nepalda juma kúni túnde kóshkin ózenge 66 adamnan turatyn eki avtobýsty aǵyzyp ketti. Apat ornynda aýqymdy qutqarý operatsııasy júrgizilip jatyr, dep jazady <a href="https://www.bbc.com/russian/articles/c06kzjg746zo" target="_blank" rel="noopener">VVS.</a></p>

Avtobýstar mýssondyq jańbyr kezinde Medannan Ashrıtke deıingi tas joldarmen júrdi. Túngi saǵat 3 shamasynda Sımaltalı aýdanynda, Katmandý astanasynan shamamen 120 km qashyqtyqtaǵy kóshkin aımaǵyna tap boldy. 

Málim bolǵandaı, avtobýstardyń birinde 24 adam, ekinshisinde 42 adam bolǵan, biraq jol boıynda júrgizýshiler taǵy da jolaýshylardy mingizýi múmkin.

Keıbir málimetterge sáıkes, jolaýshylardyń arasynda jeti Úndistan azamaty bolǵan.

Qazirgi ýaqytta úsh adamnyń taǵdyry belgili: olardy apat ornyna jaqyn jerde jergilikti turǵyndar ózennen taýyp alyp, aýrýhanaǵa jetkizdi.

Avtobýstar qulaǵan Trıshýlı ózeni qatty jańbyrdyń saldarynan arnasynan asyp ketti.

Qutqarýshylardyń aıtýynsha, sýdyń shamadan tys kóp bolýy olardyń jumysyna kedergi keltirip otyr.