«Nemerem esirtki qabyldap júr»: Semeılik zeınetker polıtsııadan kómek surady

SEMEI. QazAqparat - Semeı qalasynda 65 jastaǵy zeınetker polıtsııaǵa nemeresiniń esirtkige áýes ekenin aıtyp, shaǵymdandy, dep habarlaıdy QazAqparat tilshisi

ShQO Polıtsııa departamenti baspasóz qyzmetiniń málimetine súıensek, qalalyq polıtsııa basqarmasy Esirtki qylmysyna qarsy is-qımyl bólimine 65 jastaǵy zeınetker júgingen. Óz sózinde ol 18 jastaǵy nemeresiniń bólmesinen esirtki taýyp alǵanyn, onyń densaýlyǵyna alańdaıtynyn jetkizdi.

«Qart kisi esirtkini bólimshege alyp kelgen. Saraptama qorytyndysyna sáıkes, bul jalpy salmaǵy - 1,92 gramm keptirilgen marıhýana ekendigi belgili boldy», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK-niń 296-baby 2-bóligine sáıkes sotqa deıingi tergeý amaldary bastaldy.