Nekege turmas buryn qyz ben jigit bedeýlikke medıtsınalyq tekseristen ótýi tıis – mınıstrlik túsinikteme berdi

ASTANA. QazAqparat – Densaýlyq saqtaý mınıstrliginiń ókili Shakızat Halyqova nekege turmas buryn bedeýlikke arnaıy medıtsınalyq tekseristen ótý bastamasyna qatysty túsinik berdi, dep habarlaıdy QazAqparat tilshisi.

«Bul – joba. Onyń aıasynda aıtylyp otyrǵan usynys mindetti tekserýdi kózdemeıdi. Árbir jas jup nekege turmas buryn erikti túrde osy tekseristen ótip, densaýlyq jaǵdaıy týraly tolyq aqparat ala alady. Alynǵan málimetterdiń nátıjesi jigit nemese qyzdyń qolyna beriledi. Ol nekeni ári qaraı jalǵastyrmaý kerek degen shekteý emes. Nekege turýǵa tyıym salynbaıdy», - dep túsindirdi OKQ-de ótken brıfıngide Analar densaýlyǵyn qorǵaý basqarmasynyń basshysy Shakızat Halyqova.

Spıkerdiń paıymynsha, atalǵan joba josparly júktilikke baǵyttalǵan. Eger aldyn ala medıtsınalyq tekserýden ótken kezde er adamnan nemese qyzdyń densaýlyǵynda dert anyqtalsa, oǵan em usynylady. Ol neke kezinde bolýy múmkin teris saldardyń aldyn alýǵa arnalǵan.

Eske sala keteıik, taıaýda Densaýlyq saqtaý mınıstrligi jastarǵa neke qurmas buryn bedeýlikke arnaıy medıtsınalyq tekserýden ótýdi usynǵan bolatyn.