Negizinde deklaratsııa – zań emes, ol tek nıet qana - Qaırolla Erejepov

<p>&laquo;1990 jyly 25 qazanda Qazaq KSR-i egemendik deklaratsııasyn qabyldady. Bul Qazaqstannyń qalaı baǵyt alýyna jol siltedi. Deklaratsııa &ndash; zań emes, ol tek nıet qana. Biraq onyń ishindegi barlyq normalar bolashaq Konstıtýtsııanyń normalaryn qamtydy&raquo;. Joǵarǵy keńeste Egemendik deklaratsııasyn qabyldaǵan 360 depýtattyń biri, Memleket jáne qoǵam qaıratkeri Qaırolla Erejepov osylaı deıdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Egemendik deklaratsııasy qabyldanǵanda Joǵarǵy Keńeste halyq saılaǵan eńbekshiler, belsendi jastar men iri kásiporyndardyń basshylarynan quralǵan 360 depýtat bolǵan. Al olardyń 8-i Mańǵystaýdan barǵan munaıshy, qurylysshy, kásipodaq ókilderi edi.

«1990 jyldyń 25 qazanynda Egemendik deklaratsııasyn qabyldadyq. Bul deklaratsııa Qazaqstannyń ári qaraı qaı baǵytta órkendeýi kerek, qaı baǵytta damýy kerektigin aıqyndap, adamı, saıası máseleler, memleketti basqarý baǵyttaryn qamtydy. Negizinde, deklaratsııa – zań emes, ol tek nıet qana. Biraq deklaratsııanyń ishindegi barlyq normalar bolashaq Konstıtýtsııanyń mazmunyn qamtydy. Konstıtýtsııa sodan órbidi», - deıdi Qaırolla Erejepov.

Barlyq jaǵynan odaq zańdaryna táýeldi, halyqaralyq saýda qatynastarynda tájirıbesi joq Qazaqstan úshin egemen el bolýǵa jasaǵan alǵashqy qadamdar ońaı bolmaǵan. Odaqtaǵy elderdiń ishinde Qazaqstan men Qyrǵyzstan ǵana óz deklaratsııasyn ózgelerden soń qabyldaǵan.

«KSRO-nyń shańyraǵy shaıqalyp turǵan tusta quramyndaǵy birqatar el ózderiniń odaqtan shyǵatynyn jarııalady. 1990 jyldyń maýsym, tamyz aılarynda Qazaqstan men Qyrǵyzstannan basqa elder ózderiniń egemendigi týraly deklaratsııasyn qabyldap úlgerdi. Biz de erteli-kesh soǵan keletinimizdi bildik», - dedi Qaırolla Erejepov.

Egemendik deklaratsııasyn qabyldaý protsesi tartysty, jaýapty sátterden turǵan.

«Deklaratsııany qabyldaýdyń ózi ońaıǵa soqqan joq. Joǵarǵy keńestegi 360 depýtattyń jartysynan sál kóbi Konstıtýtsııada da, Deklaratsııada da «Qazaqstan memleketi», «Memleket qurýshy ult – qazaq», «qazaq tili», «qazaq ádebıeti», «qazaq mádenıeti» degen sózderdi birden qabyldaı qoımady», - deıdi Q. Erejepov.

25 qazanda halyq árqashan kóterińki kóńil kúıde bolǵan. Arasynda Respýblıka kúni dep toılanbaǵanymen, memlekettiń mańyzdy sharasynyń basy-qasynda júrgender bir-birin quttyqtap otyrǵan.

«Respýblıkanyń qalaı damyp, qalaı baǵyt alýyna jol bergen osy deklaratsııa ǵoı. Bul – jalǵyz ulttyq mereke. Memlekettiń ósip-órkendeýi ońaı sharýa emes. Elimizde qanshama memlekettik baǵdarlamalar qabyldanady. Olar tıisinshe júzege asýy tıis. Al halyq táýelsizdigimizdi odan ári damytyp, memleketimizdiń bedeliniń joǵarylaýyna jan-jaqty kómektesýi kerek. Táýelsizdigimiz máńgilik bolsyn!» - dedi Qaırolla Erejepov.