Negizgi UBT-da Mendeleev kestesiniń qaǵaz nusqasyn paıdalanýǵa ruqsat beriledi
UTO basshysy Safı Ótebaev atyndaǵy Atyraý munaı jáne gaz ýnıversıtetiniń bazasynda Atyraý qalasy mektepteriniń túlekterimen kezdesý ótkizip, Mendeleev (Hımııalyq elementterdiń perıodtyq júıesi) jáne tuzdar erigishtigi kestesiniń basyp shyǵarylǵan nusqasyn kórsetti.
«Barshańyzǵa málim, «Hımııa» pánin tapsyrýshylarǵa Mendeleev jáne tuzdar erigishtigi kestesi kompıýterde beriledi. Alaıda túlekter onyń qaǵaz nusqasyn paıdalanýǵa ruqsat surady. Osyǵan deıin aıtqanymdaı, biz 2023 jylǵy UBT-da testilenýshilerdiń qalaýy boıynsha kestelerdiń qaǵaz nusqasyn berý týraly sheshim qabyldadyq», - dep atap ótti Rýslan Emelbaev.
UTO dırektorynyń aıtýynsha, talapkerler kesteniń elektrondyq nemese qaǵaz formatyn da qoldana alady.
Sondaı-aq, ol talapkerlerge qaǵaz nusqasyn test ákimshileri UBT-nyń ózinde beretinin eskertti.
Esterińizge sala keteıik, testileý kezinde barlyq talapker úshin kompıýter ekranynda «Matematıkalyq saýattylyq», «Matematıka», «Informatıka», «Fızıka», «Hımııa» jáne «Geografııa» pánderi boıynsha esepterdi sheshý úshin kalkýlıator qoljetimdi bolady.