Nege Germanııanyń kapıtýlıatsııasy ekinshi ret qabyldandy?
1945 jyldyń 8 mamyrynda - soǵystyń 1417 kúni, Berlın túbindegi Karlshorst aýdanynda ornalasqan Áskerı ınjenerlik ýchılışe ǵımaratynda ortalyq eýropalyq ýaqyt boıynsha 8 mamyr kúni keshki 22 saǵat 43 mınýtta (Máskeý ýaqyty boıynsha 9 mamyrǵa qaraǵan túni 00:43-te) natsıstik Germanııanyń qarsylyqsyz tize búgetini týraly tarıhı Aktige ekinshi qaıtara qol qoıyldy. Ol kúshine 17 mınýttan keıin, ıaǵnı Máskeý ýaqyty boıynsha 9 mamyrǵa qaraǵan túni 01 saǵat 01 mınýtta kúshine endi. Onyń mátini negizinen 7 mamyrda qoıylǵan Aktige sáıkes keledi. Qujat orys, aǵylshyn jáne nemis tilinde ázirlendi. Biraq tek orys jáne aǵylshyn tilinde Akt qana túpnusqa bolyp eseptelindi.
Germanııa tarapynan Aktige Germanııa qarýly kúshteriniń Bas qolbasshylyǵynyń bastyǵy, general-feldmarshal Vılgelm Keıtel, Lıýftvaffe (áskerı áýe kúshteri) ókili, general-polkovnık Gans-ıÝrgen Shtýmpf jáne Krıgsmarıne (áskerı teńiz kúshteri) ókili, flot admıraly Gans-Georg fon Frıdebýrg qol qoıdy.
Keńes odaǵy tarapynan bultaryssyz tize búgýdi Keńes odaǵynyń marshaly Georgıı Jýkov pen Odaqtastar qarýly kúshteriniń Bas qolbasshysynyń orynbasary, Ýlybrıtanııanyń avıatsııa marshaly Artýr Ýılıam Tedder qabyldady.
Kýágerler retinde AQSh strategııalyq áýe kúshteriniń qolbasshysy, armııa generaly Karl Spaats jáne Frantsııa armııasynyń qolbasshysy, armııa generaly Jan Jozef Marı Gabrıel de Latr de Tassını qol qoıdy.
Nege Germanııanyń kapıtýlıatsııasy ekinshi ret qabyldandy? Óıtkeni, Germanııa kapıtýlıatsııasyna buǵan deıin, 7 mamyrda Frantsııanyń soltústik-shyǵysyna ornalasqan Reıms qalasynda qol qoıylýy Iosıf Stalınniń narazylyǵyn týdyrdy. Ol bul Aktini qabyldaýdan úzildi-kesildi bas tartyp, odaqtastardy Jeńis týraly resmı málimdeme jasamaı turýlaryn ótine otyryp, Qyzyl armııa basyp alǵan Berlınde qarsylyqsyz tize búgý Aktige ekinshi qaıtara qol qoıylýyn talap etti. Árıne, Cherchıll de, Trýmen de Jeńis týraly resmı málimdeme jaıyndaǵy ótinishti ár túrli syltaýlarmen qabyldamaı tastady. Sondyqtan da batys elderi soǵystyń aıaqtalǵany jóninde resmı túrde 8 mamyrda-aq habardar boldy. Al Keńes odaǵynda 7 mamyrdaǵy kapıtýlıatsııa jaıyndaǵy aqparattyń taralýyna qatań túrde tyıym salyndy. Degenmen, odaqtastar Berlınde Aktige ekinshi qaıtara qol qoıý rásimin ótkizýdi biraýyzdan qoldady. Reımstegi akt aldyn alǵy qujat bolyp qabyldandy.
Al Karlshorstta natsıstik Germanııanyń qarsylyqsyz tize búgýi týraly Aktige qol qoıǵany jaıyndaǵy alǵashqy aqparatty Keńes odaǵynyń halqy 1945 jyly 9 mamyr kúni Máskeý ýaqyty boıynsha keshki saǵat 22:00-de aty ańyzǵa aınalǵan dıktor ıÝrıı Levıtannyń aýzynan estidi.
Bul árıne 1945 jyldyń 8 mamyrdan 9 mamyrǵa qaraǵan túni bolǵan tarıhı ýaqıǵa. Al 8 mamyr kúni qandaı oqıǵalar boldy? Bul týraly Keńes aqparat bıýrosynyń 8 mamyrdaǵy málimetinde kórsetilgen.
«8 mamyr kúni 3-shi BELORÝS maıdanynyń áskerleri FRISh-NERÝNG múısin jaýdan tazartý boıynsha urystar júrgize otyryp, NOIE VELЬT jáne FOGELЬZANG eldi mekenderin aldy.
1-shi BELORÝS maıdanynyń áskerleri ELЬBA ózenine shyǵý barysynda nemisterdiń 7 150 soldaty men ofıtserin tutqyndap, 28 - tankti, 513 - dala zeńberigin, 402 - pýlemetti, 1700 - avtokólikti, 3700 - jylqyny, 2200 - basqa soǵys múlikterin oljalady.
1-shi ÝKRAIN maıdanynyń áskerleri eki kúnge sozylǵan urys barysynda dushpannyń qarsylyǵyn jeńip, 8 mamyrda nemisterdiń Saksonııa jerindegi mańyzdy qorǵanys pýnkti - DREZDEN qalasyn, sondaı-aq MıÝGELЬN, LOM-MATsSh, MEISSEN, LAISNIG, DEBELЬN, HARTA, VALЬDHAIM, ROSVAIN, NOSSEN VILЬSDRÝFF, HAINIHEN, FRANKENBERG, FREIBERG, GARANDT, ODERAN, SAIDA qalalaryn basyp aldy. Sonymen qatarı maıdan áskerleri Chehoslovakııa jerine ótip, MOST, DÝHTsOV, TEPLITsE-ShANOV qalalaryn aldy. Maıdan áskerleri bir mezette DREZDENNІŃ shyǵys jaǵynda dushpannyń qarsylyǵyn jeńip, RADEBERG, LOBAÝ, RAIHENBAH, BERNShTADT, GERLITs qalalaryn aldy. BRESLAVLЬ qalasynyń ońtústik-batysy jáne ońtústik jaǵynda maıdan áskerleri ShTRIGAÝ, FREIBÝRG, MıÝNSTERBERG, OTTMAHAÝ qalalaryn da basyp aldy.
4-shi ÝKRAIN maıdanynyń áskerleri shabýyl júrgize otyryp, 8 mamyr kúni nemisterdiń MORAVA ózeni boıyndaǵy mańyzdy qorǵanys pýnkti OLOMOÝTs qalasyn, sondaı-aq, VıÝRBEN-TALЬ, ENGELЬSBERG, REMERShTADT, BERGShTADT, MORAVSKII ShENBERG, HOEN-ShTADT, GRANITsE, PRJEROV qalalaryn uryspen aldy.
7 mamyr kúni bolǵan urystar barysynda maıdan áskerleri nemisterdiń 1000 jýyq soldaty men ofıtserin qolǵa túsirdi.
2-shi ÝKRAIN maıdanynyń áskerleri 8 mamyr kúni Chehoslovakııada ıAROMERJITsE, ZNOIMO qalalaryn, al Avstrııa jerinde GOLLABRÝNN ı ShTOK-KERAÝ qalalaryn aldy.
Maıdannyń basqa ýchaskelerinede ózgerister bolǵan joq», - delingen málimette.