NEET sanatyndaǵy jastarmen jumysty uıymdastyrýda jańa ádisterdi qoldaný qajet - Birjan Álimjan

ASTANA. QazAqparat – NEET sanatyndaǵy jastarmen ataýly jumysty uıymdastyrýda memlekettik aqparattyq júıelerdiń áleýetin qoldaný qajet. Bul týraly QR Prezıdentiniń janyndaǵy Memlekettik basqarý akademııasynyń magıstranty Birjan Álimjan aıtty, dep habarlaıdy QazAqparat tilshisi.

Elordada ótken «Ashyq úkimet jáne basqarýdyń jańa mádenıeti: estý, túsiný, áreket etý» halyqaralyq ǵylymı-praktıkalyq konferentsııada jas memlekettik qyzmetshi NEET sanatyndaǵy jastardyń aımatyq bazasyn jasaqtaýda arnaıy algorıtmdi ázirleý kerek ekenin atap ótti.

«2 kúnnen beri Akademııa qabyrǵasynda memlekettik basqarýdyń ózekti máselelerine arnalǵan halyqaralyq konferentsııa ótkizilip jatyr. Óz tarapymnan memlekettik jastar saıasaty salasy boıynsha, onyń ishinde jergilikti atqarýshy organdardyń NEET sanatyndaǵy jastarmen ataýly jumysty uıymdastyrý máselelerine arnalǵan baıandama jasadym. Zertteý jumysymda NEET jastardyń úlesine baılanysty qazirgi trendter, sheteldik ozyq tájirıbe zerdelendi. Sonymen qatar, osy baǵyttaǵy jaǵdaıdy ońtaltý úshin ataýly sıpattaǵy jumysty kúsheıtýdiń mańyzdylyǵy týraly aıttym. Negizigi usynys – NEET sanatyndaǵy jastarmen ataýly jumysty uıymdastyrýda memlekettik aqparattyq júıelerdiń áleýetin qoldaný. Onyń ishinde osy sanattaǵy jastardyń aımatyq bazasyn jasaqtaýda arnaıy algorıtmdi ázirlep, júıeli montorıngin uıymdastyrý bar», - dedi Birjan Álimjan.