Nedovesov Portýgalııada jarystyń 1-raketkasyn jeńip, fınalǵa shyqty

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 44-raketkasy Aleksandr Nedovesov sensatsııa jasap, Eshtorıl (Portýgalııa) ATP 250 týrnıriniń fınalyna joldama aldy.&nbsp;</p>

Otandasymyz ekvadorlyq Gonsalo Eskobarmen birge jartylaı fınalda jarystyń birinshi raketkalary, belgııalyqtar Sander Jılle – Ioran Flıgendi jolda qaldyrdy.

Qazaqstandyq-ekvadorlyq dýet 1 saǵat 10 mınýtqa sozylǵan básekede azýly qarsylastaryn 6:2, 6:4 esebimen jeńdi. Olar 2 eıspen birge 5 breık-poınttyń úsheýin múlt jibergen joq. Belgııalyqtar 2 eıspen shekteldi.

Aleksandr men Gonsalonyń fınaldaǵy qarsylastary keıin anyqtalady. Sońǵy báseke 7 sáýirge belgilengen. 

Eske sala keteıik, budan buryn Aleksandr Nedovesovtiń Portýgalııadaǵy jarystyń jartylaı fınalyna ótkenin jazǵan bolatynbyz. Sondaı-aq Aleksandr Býblıktiń Monte-Karlodaǵy qarsylasy belgili boldy.