Nedovesov: Argentına tennısshilerimen kezdesýge psıhologııalyq turǵyda daıyn bolý kerek
– Aleksandr, qazirgi qurama sapynda kóp kezdesý ótkizgen tájirıbeli oıynshylardyń birisizeger juptyq jáne jekeleı synda shyǵýǵa týra kelse, oǵan daıynsyń ba?
– Árıne, jekeleı synda da oınaýǵa týra kelse, maǵan ońaıǵa tımeıtini anyq. Biraq kapıtan bireýdi aýystyrý kerek dese, oǵan ár ýaqytta daıyn bolý qajet. Sondyqtan buǵan da ázirmin.
– Topyraq tósenishindegi kort Argentına oıynshylarynyń oń jambasyna kóbirek keledi. Al ózderińde qandaı artyqshylyqtar bar?
– Eń aldymen qaısarlyq kerek. Aldaǵy matchta jankúıerler, myqty qarsylas, topyraq tósenishi – bári bizge qarsy bolmaq. Eń bastysy, óz oıynyńdy kórsetip, bar sheberligińdi salyp, jeńýge tyrysý qajet.
– Qarsylas qurama sapynda juptyq synda oınaıtyn tennısshiler anyqtaldy ma?
– Olarda bir-birine myqty úılesetin Gonsales – Moltenı bar. Bul jup ótken maýsymdy joǵary deńgeıde ótkizdi. Budan buryn Andreı Golýbev ekeýmiz olarmen eki ret oınap, tartysty básekede ese jiberdik. Olardyń deńgeıin, kúshti jaqtaryn bilemiz. Taǵy da qaıtalap aıtaıyn, argentınalyq jankúıerler óz oıynshylaryn qatty qoldaıdy, soǵan psıhologııalyq turǵyda daıyn bolýymyz kerek.
– Syrt alańda óner kórsetken kezde neni eskerý kerek?
– Bastysy, salqynqandylyq tanytyp, ár upaı úshin kúresý qajet. Sátti óner kórsete bastasań, bul olardyń jankúıerlerine keri áser etedi. Osyny paıdalana bilseń jeńiske jetýge múmkindik kóp bolady.
Eske sala keteıik, budan buryn Qazaqstan tennıs quramasynyń Argentınada Devıs kýbogyna daıyndalyp jatqanyn jazǵan bolatynbyz.