Іndetten kóz jumǵan: Shahtınskte áıelge qasaqana AITV juqtyrǵan er adam sottaldy

<p>ShAHTINSK. KAZINFORM - Shahtınsk qalalyq sotynda adamnyń ımmýn tapshylyǵy vırýsyn (AITV) juqtyrǵan azamatqa úkim shyqty.&nbsp;&nbsp;</p>

2015 jyly er adamǵa AITV juqtyrǵan degen dıagnoz qoıylǵan.

Emdeýden jaltaryp, basqalardy juqtyrǵany úshin qylmystyq jaýapkershilikke tartylatyny, sondaı-aq saqtyq sharalaryn saqtaý qajettigi týraly oǵan eskertilgen.

Ol 2016-2023 jyldar aralyǵynda aýrýyn eskertpesten bir áıelmen birge turǵan.

Sóıtip jábirlenýshige AITV ınfektsııasyn juqtyrǵan, sonyń saldarynan áıel adam qaıtys bolǵan.

Sottalýshynyń kinási sot-medıtsınalyq saraptama qorytyndysymen rastaldy, oǵan sáıkes jábirlenýshiniń ólimine ekinshilik aýrýlardyń damýymen AITV-ınfektsııasy jáne basqa da is materıaldary sebep bolǵan.

Sottalýshy óz kinásin moıyndamady.

Qylmystyq kodekstiń 118-babynyń 2-bóliginiń sanktsııasynda 5 jylǵa deıin bas bostandyǵynan aıyrý jazasy qarastyrylǵan.

Іs boıynsha qylmystyq jaýapkershilikti nemese jazany jeńildetetin mán-jaı anyqtalǵan joq.

Aýyrlatatyn mán-jaı – qylmystyń aýyr zardaptarǵa ákep soqtyrǵany, ıaǵnı jábirlenýshiniń ólimi

Sottalýshy Qylmystyq kodekstiń 118-baby 2-bóligimen kináli dep tanylyp, 4 jylǵa bas bostandyǵynan aıyryldy.

Sondaı-aq májbúrlep emdeledi. 

Sottyń úkimi zańdy kúshine engen joq.