Nazym Qyzaıbaı bokstan Azııa chempıonatynyń qola júldegeri atandy

ASTANA. QazAqparat – Iordanııa astanasy Amman qalasynda bokstan bolyp jatqan Azııa chempıonatynda Nazym Qyzaıbaı qola júldeger atandy, dep habarlaıdy QazAqparat tilshisi.

Kúndizgi sessııada Qazaqstannan alǵashqy bolyp rıngke eki márte álem chempıony Nazym Qyzaıbaı shyqty.

Ol 50 kelige deıingi salmaqta Japonııa eliniń ókili, 2020 jylǵy Tokıo olımpıadasynyń qola júldegeri Namıkı Tsýkımımen judyryqtasty.

Nazym osy chempıonatta shırek fınalda mońǵolııalyq Mýngýnsaran Balsanmen qolǵap túıistirgen bolatyn. Jekpe-jek tartysty ótip, tóreshiler 3:2 esebimen jeńisti qazaqstandyq boksshyǵa bergen edi.

N.Qyzaıbaıdyń jartylaı fınaldyq básekesi de qyzý ótti. Qos boksshy aıanyp qalǵan joq. Tóreshiler jeńisti basym daýyspen japonııalyq sportshyǵa berdi.

N.Tsýkýmı fınalda vetnamdyq Tı Tam Ngýenmen altyn júldeni sarapqa salady.

Sondaı-aq búgin Azııa chempıonatynda taǵy segiz boksshy qyzymyz fınaldyń joldamasyn sarapqa salady

Eske sala keteıik, budan buryn Azııa chempıonatyn Qamshybek Qońqabaevtyń jeńispen túıindegenin, sondaı-aq búgin toǵyz qazaqstandyq boksshynyń fınalǵa shyǵý úshin talasatynyn jazǵan bolatynbyz.

Foto: sports.kz