Nazym qolynan kelgenniń bárin jasady — bokstan áıelder arasyndaǵy jattyqtyrýshy

<p>ALMATY. KAZINFORM &mdash; Almatylyq boksshy búgin qytaılyq qarsylasy ıÝ Výdan 4:1 esebimen jeńilip, qola medal ıegeri atandy. Osyǵan baılanysty bokstan áıelder arasyndaǵy jattyqtyrýshy Gúlzara Azızova óz áserimen bólisti.</p>

«Nazym qolynan kelgenniń bárin jasady. Qarsylastyń da myqty ekenin aıta ketken jón. Nazym Qazaqstandaǵy jalǵyz eki dúrkin álem chempıony. Olımpıadaǵa qatysý úshin uzaq eńbektendi. Bul onyń alǵashqy Olımpıadasy jáne qola jaqsy kórsetkish. Bul sportshy úshin de, jattyqtyrýshy úshin de úlken eńbek», — dep bólisti ol. 

50 keli salmaqta otandasymyz jartylaı fınalda qytaılyq Vý ıÝmen qolǵap túıistirip, tóreshiler sheshimimen utyldy. Alaıda, Olımpıada oıyndarynyń qola júldesin qanjyǵasyna baılady. Nazymnyń bul júldesi — el qorjynyna túsken úshinshi qola medal. 

Osyǵan deıin habarlaǵanymyzdaı, Nazym Qyzaıbaı Olımpıada oıyndarynda eń alǵash ótkizgen jekpe-jeginde Italııa boksshysy Djordana Sorrentınony jarys jolynan taıdyrdy. 

Al ekinshi jekpe-jeginde brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn. 

Sonymen qatar shırek fınalda Kolýmbııa boksshysy Karolaın Barbozany jarys jolynan shyǵaryp, jartylaı fınalǵa jetti. 

Bul — Nazym Qyzaıbaıdyń alǵashqy Olımpıadasy. Ol osyǵan deıin álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony atanǵan.

Sportshy 1993 jyly 14 qyrkúıekte dúnıege keldi.