Nazym Qyzaıbaıdyń ata-anasy: qyzymyzdan jeńis kútemiz

<p>ALMATY. KAZINFORM &mdash; Qazir sanaýly mınýttardan keıin Frantsııa astanasy Parıj qalasynda Nazym Qyzaıbaı jartylaı fınalda qytaılyq boksshy Vý ıÝ men judyryqtasady. Otandasymyzdyń jekpe-jegin ata-anasy men týystary mamandandyrylǵan joǵary sport sheberligi mektebinde tamashalaıdy.</p>

Nazym Qyzaıbaıdyń ata-anasy tolqyp otyr. Qaıta-qaıta saǵatqa qarap, qyzdary úshin ýaıymdaýda. 

«Qyzyma jeńis tileımin. Armany oryndalsyn. Qyzymnan jeńis kútemin. Olımpıada oıyndaryna qatysý úshin kóp eńbek etti. Sol eńbegi aqtalady degen oıdamyn»,- dedi Nazymnyń ákesi Abaı Qyzaıbaı.

Al, anasy KámshatAhetqyzy Nazym Parıjge attanǵaly beri uıyqtamaǵanyn aıtady.

«Ana júregi aldamaıdy dep oılaımyn. Qobaljyp otyrmyn. Jeńis kútem. Qazaq yrymshyl halyqpyz ǵoı. Qalǵyp ketken kezderi jaqsy tús kórip júrmin. Ony jaqsylyqqa joryp qoıdym»,- deıdi ol.

Jekpe-jek ońaıǵa soqpaıtyny anyq. Onyń qarsylasy qytaılyq Vý ıÝ Azııa oıyndarynyń chempıony, álem chempıony atanǵan tájirıbeli boksshylardyń biri.

Bul – Nazym Qyzaıbaıdyń alǵashqy Olımpıadasy. Ol osyǵan deıin álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony atanǵan.

Nazym Qyzaıbaı Olımpıada oıyndarynda eń alǵash ótkizgen jekpe-jeginde Italııa boksshysy Djordana Sorrentınony jarys jolynan taıdyrdy. 

Al ekinshi jekpe-jeginde brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn. https://kaz.inform.kz/news/parizh-2024-nazim-kizaybay-shirek-finalga-ott-e046ee/

Sonymen qatar shırek fınalda Kolýmbııa boksshysy Karolaın Barbozany jarys jolynan shyǵaryp, jartylaı fınalǵa jetti.