Nazym Qyzaıbaı rıngte óz sheberligin, jeńiske degen erik-jigerin kórsete bildi — Ermek Marjyqpaev

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda búgin áıelder boksynan Nazym Qyzaıbaı qola júldeger atandy. Sportshylarymyzǵa qoldaý kórsetip, Parıjde júrgen QR Týrızm jáne sport mınıstri Ermek Marjyqpaev kezekti qoladan keıingi áserimen bólisti.</p>

«Qazaqstandyq boksshyny rıngte kórsetken tamasha jekpe-jegimen jáne Olımpııa oıyndarynyń qola júldesimen shyn júrekten quttyqtaımyn! Jekpe-jekte tóreshiler Nazymnyń qolyn kótermese de, otandasymyz sharshy alańda jeńis úshin aıanyp qalǵan joq. Rıngte óz sheberligin, jeńiske degen erik-jigerin kórsete bildi. Qazaqstan boks álemindegi eń úzdik quramalardyń biri ekenin dáleldedi. Bul júldede jattyqtyrýshylardyń da eńbegi zor. Osylaısha, Qazaqstan qorjyny taǵy bir medalmen tolyǵyp otyr. Biz sportshylarymyzben maqtanamyz. Tek alǵa!», — dedi Týrızm jáne sport mınıstri Ermek Marjyqpaev.

Aıta keteıik, búgin áıelder boksynan 50 keli salmaqta Nazym Qyzaıbaı Parıj Olımpıadasynyń jartylaı fınalynda qytaılyq Ý ıÝdan jeńilip, qola medalǵa ıelik etti. 

Ázirge el qorjynynda 1 altyn, 1 kúmis, 3 qola medal bar.