Nazym Qyzaıbaı Parıj Olımpıadasynyń jartylaı fınalyna shyqty

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda bokstan áıelder arasynda Nazym Qyzaıbaı shırek fınalda qarsylasyn jeńip, jartylaı fınalǵa shyqty.&nbsp;</p>

50 keli salmaqta el namysyn qorǵaǵan otandasymyz shırek fınalda Kolýmbııa boksshysy Karolaın Barbozamen qolǵap túıistirdi. Bul kezdesýde Nazym Qyzaıbaı aıqyn basymdylyqpen jeńiske jetti. 

Foto: Vladıslav Semenov/UOK

Esterińizge sala keteıik, Nazym Qyzaıbaı birinshi jekpe-jeginde Italııa boksshysy Djordana Sorrentınony jarys jolynan taıdyrsa, ekinshi aıqasynda brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn. 

Bul – Nazym Qyzaıbaıdyń alǵashqy Olımpıadasy. Ol osyǵan deıin álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony atanǵan.