ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Nazym Qyzaıbaı (48 keli) shırek fınalǵa shyqty.
Otandasymyz alǵashqy kezdesýinde Majarstan boksshysy Lıla Zeletskııdi jeńdi. Jekpe-jek úshinshi raýndta toqtatyldy.
Endi Nazym 12 qyrkúıek kúni sharshy alańǵa shyǵady.
Qazirge deıin el quramasynan Alýa Balqybekova (51 keli), Vıktorııa Grafeeva (60 keli), Mahmud Sabyrhan (55 keli), Nurbek Oralbaı (80 keli) shırek fınalǵa joldama aldy.
Sondaı-aq keshki sessııada tórt boksshymyz sharshy alańǵa shyǵady.
50 keli. Sanjar Táshkenbaı — Hýthaıha Eshısh
85 keli. Bekzat Nurdáýletov — Georgıı Kýshıtashvılı
70 keli. Natalıa Bogdanova — Sema Chalyshkan
65 keli. Ertýǵan Zeınýlınov — Patrıs Mýgalzaı.
Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.