Nazgúl Rahmetýllına — Joǵarǵy sottyń qylmystyq ister jónindegi sot alqasynyń tóraǵasy
Aslambek Merǵalıev ujymǵa Joǵarǵy sottyń qylmystyq ister jónindegi sot alqasynyń jańadan taǵaıyndalǵan tóraǵasy Nazgúl Rahmetýllınany tanystyrdy.
— Nazgúl Máýilhanqyzy óz isin adal atqaratyn ári prıntsıpshil maman. Elimizdiń sot júıesinde atqarǵan kóp jyldyq tájirıbesi bar. Onyń osy asa jaýapty laýazymǵa taǵaıyndalýy Memleket basshysynyń zor senimin bildiredi, — dep atap ótti A.Merǵalıev.
Ol N.Rahmetýllına óziniń barlyq bilimi men tájirıbesin jumsaı otyryp, qyzmettik boryshyn abyroımen atqaratynyna senim bildirdi.
Nazgúl Rahmetýllına 1978 jyly týǵan, ShQO týmasy.
2000 jyly Shyǵys Qazaqstan memlekettik ýnıversıtetin bitirgennen keıin myna laýazymdarda jumys istedi:
2000-2004 jyldary — Shyǵys Qazaqstan oblystyq sotynyń mamany,
2004-2015 jyldary — Óskemen qalasy № 2 sotynyń sýdıasy,
2015-2020 jyldary — Shyǵys Qazaqstan oblystyq sotynyń sýdıasy.
2020 jyldan bastap qazirgi ýaqytqa deıin — Qazaqstan Respýblıkasy Joǵarǵy sotynyń sýdıasy.