Nazarbaevtyń ortaq ǵylymdy damytý bastamasy bolashaǵymyz úshin qajet - Berdimuxamedov

ASTANA. QazAqparat - Búgin Astanadaǵy Ulttyq mýzeıde ótken saltanatty jıynda Túrikmenstan prezıdenti Gýrbangýly Berdimuxamedov túrki elderiniń ortaq ǵylymyn qalyptastyrýdy qalaıtynyn jetkizdi, dep xabarlaıdy QazAqparat tilshisi.

Óz sózinde Berdimuxamedov Memleket basshysynyń «Bolashaqqa baǵdar: rýxanı jańǵyrý» maqalasynda kórsetilgen maqsat-mindettermen tanys ekenin, sonyń ishinde latyn álipbıine kóshý bastamasyn qoldaıtynyn jetkizdi. «Ol da - bizdiń ulttyq qundylyǵymyzdyń biri. Meniń oıymsha, osy salada birlesip atqaratyn sharýalarymyz barshylyq. Atalǵan máseleni biz keshe de keńinen talqyladyq. Óıtkeni ortaq ǵylym bolmasa, jastar oǵan qulshynbasa, birde bir memleket alǵa basa almaıdy. Sondyqtan biz Qazaqstan Prezıdentiniń osy bastamasyn da qýana-qýana qoldaımyz», - dedi Berdimuxamedov búgingi alqaly jıynda. Ol jerde Túrikmenstan Prezıdentiniń jylqy men at ónerine arnalǵan úsh birdeı qazaq tilindegi kitaptyń tanystyryldy.

Aıta keteıik, Memleket basshysy Nursultan Nazarbaev «Egemen Qazaqstan» gazetinde jarııalanǵan maqalasynda 2017 jyldyń aıaǵyna deıin ǵalymdardyń kómegimen, barsha qoǵam ókilderimen aqyldasa otyryp, qazaq álipbıiniń jańa grafıkadaǵy biryńǵaı standartty nusqasyn qabyldaýdy tapsyrdy . Al 2018 jyldan bastap jańa álipbıdi úıretetin mamandardy jáne orta mektepterge arnalǵan oqýlyqtardy daıyndaýǵa kirisý kerek.