Nazarbaevtyń memleket negizin qalaýdaǵy mártebesi týraly norma burynnan bar – Qoshanov

NUR-SULTAN. QazAqparat - QR Parlamenti Májilisiniń tóraǵasy Erlan Qoshanov keleshekte Tuńǵysh Prezıdenttiń mártebesi zańnamadaǵy eks-prezızdent týraly normalarmen retteletinin aıtty, dep habarlaıdy QazAqparat tilshisi.

Májilistiń baspasóz alańynda Erlan Qoshanov BAQ ókilderiniń Nursultan Nazarbaevtyń Konstıtýtsııaǵa memlekettiń negizin qalaýshy tulǵa retinde enýi týraly saýaldaryna jaýap berdi.

«Memlekettiń negizin qalaýshy degen Konstıtýtsııada bolady. Ol negizi bar. Ol norma saqtalyp qaldy, tek shamaly naqtylandy. Ol jerden «Elbasy degen» sóz alynyp tastaldy, - dedi Májilis spıkeri.

Sondaı-aq, ol atalǵan normaǵa qatysty halyqtyń oı-pikiri qalaı eskerilýi múmkin ekenin de aıtyp ótti.

«Endi ol referendým bola ma, Parlament arqyly óte me, bolashaqta sheshiletin másele. Qazir Konstıtýtsııalyq keńesten sol rásimdi biz ótkizýimiz kerek. Zańnamada eks-prezıdent týraly norma bar. Birinshi Prezıdentke de sol norma qatysty bolady», - dedi Erlan Qoshanov.

Buǵan deıin Konstıtýtsııalyq keńestiń apparat jetekshisi Baqyt Nurmuhanov Tuńǵysh Prezıdenttiń Ata zańdaǵy mártebesi týraly aıtyp bergen edi.