Nazarbaevqa QHA metsenattary tanystyryldy

ASTANA. QazAqparat - Búgin Astanadaǵy "Beıbitshilik pen kelisimniń 25 jyly" atty merekelik jıyn barysynda Memleket basshysyna Qazaqstan xalqy Assambleıasynyń metsenattary tanystyryldy, dep xabarlaıdy QazAqparat tilshisi.

Jıyn kezinde jarııalanǵan málimetke sáıkes,"Qaıyrymdylyq kerýeni" aktsııasy aıasynda 595 000 adamǵa 6 mlrd. 541 mln. teńgege kómek kórsetildi. Budan bólek, "Qamqor" aktsııasy kezinde ardagerler men áleýmettik kómekke muqtaj jandarǵa 648 mln. teńge aýdaryldy. Al "Qazaqstan" telearnasyndaǵy "Shyn júrekten" telemarafonynda 65 mln. teńge jınaldy. Sol sııaqty "Qorjyn" aktsııasy aıasynda 243 mln. teńge jınalyp, 91 balaǵa asa kúrdeli ári qymbat medıtsınalyq járdem berildi. "Aq oramal" aktsııasynyń qorytyndysy boıynsha kópbalaly januıalarǵa 3 mln. 371 myń teńge bólindi. Sondaı-aq qan onkologııasymen aýyratyn 300 balaǵa 40 mln. teńgege kómek kórsetildi.

"Men - tórt balanyń anasymyn. Bárimiz de elimizdiń qaıyrymdylyq pen izgiliktiń mekeni ekenin bilemiz. Meniń ulym - Álıasqar óz anasynyń daýysyn estı almady,  aınaladaǵy dybystardy estı almaıtyn edi. Oǵan asa qymbat estý apparaty kerek bolǵan. Ondaı aqshamyz da bolmady. Sol kezde Qazaqstan xalqy Assambleıasy kelip, bizge kómek qolyn sozdy. Osylaısha, meniń ulym anasynyń daýysyn estı bastady", - deıdi Aınash Saǵyndyqova.