Nazarbaev ýnıversıtetinde 73 mlrd teńgeniń tıimsiz ıgerilgeni anyqtaldy

<p>ASTANA. KAZINFORM &ndash; Joǵary aýdıtorlyq palatanyń tóraǵasy Álıhan Smaıylov Májilis otyrysynan keıingi baspasóz máslıhatynda Nazarbaev ýnıversıtetiniń jumysyna júrgizilgen aýdıttiń aldyn ala qortyndysyn málim etti.&nbsp;</p>

- Birqatar problema men kemshilikti anyqtadyq. Birinshisi – Nazarbaev ýnıversıtetiniń áli kúnge deıin bıýdjet qarajatyna táýeldi bolyp kele jatqany. Al oqý ornyn damytýdyń strategııalyq qujatynda ýnıversıtet syrtqy qarajat kózderiniń esebinen respýblıkalyq bıýdjet qarjysyna táýeldilikten ketý kerek bolǵan. Ýnıversıetke berilip otyrǵan teńdessiz mártebe men salyq jeńildikterine, qoldaý tetikterine qaramastan qarajatynyń 97 paıyzyn respýblıkalyq bıýdjetten alyp otyr. Taǵy bir kemshiligi – qoldanystaǵy zańnamada ýnıversıtettiń qarjylyq esebin jarııalaýy qarastyrylmaǵan. Bul ýnıversıtet jumysynyń ashyqtyǵyna kedergi keltiredi, - dedi Álıhan Smaıylov. 

Palata basshysynyń sózinshe ýnıversıtet memleket qarajatyn sonshalyqty tıimdi ıgerip otyrǵan joq.

- Aýdıt qorytyndysy boıynsha ýnıversıtet 73 mlrd teńgeni tıimsiz josparlap, ıgergeni anyqtaldy. Sondaı-aq jarty mıllıard teńgeniń qarjylyq zań buzý faktisi belgili boldy, - dedi Á.Smaıylov.

Onyń sózinshe ýnıversıtettiń strategııalyq seriktesteriniń tiziminde taýarlar men qyzmetter usynatyn kompanııalardyń úlesi basym ekeni áshkere bolǵan. Bul taýarlar men qyzmet jetkizýshilerdi konkýrssyz-aq, bir kózden satyp alý arqyly irikteýge jol ashqan. 

Aýdıt qorytyndysy ýnıversıtet basshylyǵy men úkimetke joldanǵan.