Nazarbaev ýnıversıtetiniń ataýy ózgeredi – feık

NUR-SULTAN. QazAqparat – Áleýmettik jeliler men messendjerlerde Nazarbaev ýnıversıtetiniń ataýyn ózgertý týraly aqparat taralyp jatyr. Bul – feık, dep habarlaıdy QazAqparat stopfake.kz saıtyna silteme jasap.

Taraǵan aqparatta kelesi jyldan bastap JOO «Qazaq repetıtorlyq jáne emıgratsııa ulttyq ýnıversıteti» dep atalatyn bolatyny aıtylǵan.

Ǵylym jáne joǵary bilim mınıstrligi bul aqparatty joqqa shyǵardy.

«Bul – feık. Aqparat shyndyqqa janaspaıdy», - dep habarlady vedomstvodan.

«Habarlamada «áleýmettik ǵylymdar dekany Shlomo Rabbı» týraly da aıtylǵan. Shyn máninde ýnıversıtette mundaı qyzmetker joq.

JOO-nyń resmı saıtynda jazylǵandaı, Nazarbaev ýnıversıtetiniń jaratylystaný, áleýmettik jáne gýmanıtarlyq ǵylymdar mektebin ǵylym doktory Gonsalo Hortelano basqarady.

2023 jyly «Ortalyq Azııadaǵy alǵashqy genderlik zertteýler zerthanasynyń» ashylǵany týraly da resmı aqparat bolǵan joq», - dep kórsetilgen saıt aqparatynda.