Nazarbaev Ýnıversıteti - Máńgilik eldiń mańdaı aldy bilim berý oshaǵy - Elbasy
QR Prezıdenti Nazarbaev Ýnıversıtetiniń túlekteri Qazaqstandy bolashaqta túbegeıli jańartýǵa, «100 naqty qadam» baǵdarlamasyn júzege asyrýǵa at salysatyndyǵyna senim artty.
«Barshańyzdy osynaý tarıhı sátpen jáne ýnıversıtettiń alǵashqy mereıtoıy bes jyldyǵymen shyn júregimmen quttyqtaımyn. Bolashaqta san myńdaǵan túlekter úshin san ǵasyrlyq merekeleri jasalatyn bolady. Sebebi, Nazarbaev Ýnıversıteti - Máńgilik eldiń mańdaı aldy bilim berý oshaǵy», - dedi Elbasy.
Aıta keteıik, 2010 jyly Qazaqstan Prezıdentiniń bastamasymen qurylǵan bul oqý orny otandyq bilim berýdiń úzdik úlgisi bolyp tabylady. Bıyl ýnıversıtetti 446 stýdent támamdap otyr. Taratylǵan málimetterge qaraǵanda, jalpy oqý orny ashylǵannan beri jeti mekteptegi stýdentter sany 2 800-ge deıin jetti. Jyl saıyn 500 adam oqý grantyna ıe bolýda. Magıstranttar men doktoranttar da memlekettik bilim berý tapsyrysy boıynsha bilim alady.