Nazarbaev úndeýi - Qazaqstan kóshbasshysynyń strategııalyq teńgerimdi ári ilgerilemeli saıasatynyń dáleli

ASTANA. QazAqparat - Nursultan Nazarbaevtyń eldegi memlekettik júıeni reformalaý týraly úndeýi - Qazaqstan kóshbasshysynyń strategııalyq teńgerimdi ári ilgerilemeli saıasatynyń kezekti dáleli bola alady. Bul pikirdi QazAqparattyń Bishkektegi arnaýly tilshisi Mádıbek Jánibekovke «Din, quqyq jáne saıasat» táýelsiz saraptamalyq ortalyǵynyń dırektory Qadyr Málikov bildirdi.

Sarapshynyń paıymynsha, Nazarbaevtyń úndeýi Qazaqstandaǵy saıası júıeni reformalaýdyń der ýaqytynda kóterilip otyrǵandyǵy esh kúmán týdyrmaıdy.

«Qazaqstan prezıdenttik bılik kezindegi táýelsizdiktiń 25 jyly ishinde ekonomıkalyq serpilis jasady. Bul qazirgi ýaqytta eldegi saıası qurylymdy aýyrtpalyqsyz reformalaýǵa barlyq alǵyshart qalyptastyrady. Munan bólek, sheteldiń eń mártebeli joǵary oqý oryndarynda jas kadrlar daıyndaý jónindegi baǵdarlamany der ýaqytynda júzege asyrýdyń arqasynda kásibı mamandardyń jańa býyny qalyptasty. Olar memlkettik basqarý men bıznestiń barlyq salasynda jemisti eńbek etýde», - dedi sarapshy.

Sonymen qatar ol Qazaqstan men Qyrǵyzstannyń saıası júıelerin salystyra kele elimiz tańdaǵan damý jolynyń durystyǵyn basa aıtty.

«Biz eki tóńkeristi bastan keshirdik, qantógis, beıberekettik oryn aldy. Bul bizdi keıinge ysyrdy. Biraq, túptep kelgende bul saıası elıtany ymyraǵa kelýge úıretti. Bılik ókilettikterin qaıta bólý - bılik arasynda teńgerimdik. Qazaqstan saıası reformalarǵa daıyn», - dedi ol.

Qyrǵyz sarapshysynyń aıtýynsha, Qazaqstan bıliginiń atqarýshy jáne sot tarmaǵy óziniń jumysqa qabilettiligin ári derbestigin dáleldeı aldy.

«Osyǵan oraı Parlament pen Úkimettiń ókilettigin keńeıtý olardyń jaýapkershilikterin arttyryp, aldylarynda turǵan mindetterdi tıimdi júzege asyrýǵa, mindetteri oryndaý barysynda der ýaqytyly túzetýler engizýge múmkindik beredi», - dedi Málikov.