Nazarbaev Túrikmenstan Prezıdentin Qazaqstanǵa saparmen kelýge shaqyrdy

ASTANA. QazAqparat - Elbasy Nursultan Nazarbaev Túrikmenstan Prezıdenti Gýrbangýly Berdimuhamedovpen telefon arqyly sóılesti, dep habarlaıdy Aqordanyń baspasóz qyzmeti.

Qazaqstan Prezıdenti áńgime barysynda G.Berdimuhamedovti prezıdent saılaýyndaǵy jeńisimen quttyqtap, oǵan memlekettik qyzmette tabys jáne jańa jetistikter tiledi.

Memleketter basshylary eki halyqtyń tarıhı turǵydan jaqyndyǵyn, sondaı-aq memleketterimiz arasyndaǵy dástúrli tatý kórshilik qarym-qatynasty atap ótti.

Sondaı-aq saıası, ekonomıkalyq jáne mádenı-gýmanıtarlyq salalardaǵy baılanysty odan ári nyǵaıtýdyń mańyzdylyǵy aıtyldy.

Nursultan Nazarbaev Gýrbangýly Berdimuhamedovti Qazaqstanǵa saparmen kelýge shaqyrdy.  Túrikmenstan Prezıdenti shaqyrýdy zor iltıpatpen qabyl aldy.