Nazarbaev Trampqa: Siz tańǵalarlyq salyq reformasyn jasadyńyz, ony 5 jyl buryn júzege asyrǵanmyn

VAShINGTON. QazAqparat - Qazaqstan men AQSh iskerlik toptarynyń otyrysynda 7 mlrd dollardyń kelisimsharty jasalady. Bul týraly búgin Aq úıde Amerıka Qurama Shtattarynyń Prezıdenti Donald Tramppen ekeýara kezdesýden keıin birlesken málimdeme jasaý barysynda Qazaqstan Prezıdenti Nursultan Nazarbaev aıtty, dep habarlaıdy QazAqparat.

Memleket basshysy Qazaqstan men AQSh-tyń ekijaqty qarym-qatynasynda ekonomıkalyq baılanys mańyzdy ról oınaıtyndyǵyn atap ótti.

«Qazaqstanda amerıkalyq kompanııalardyń jumys istegenine biraz boldy. Olar el ekonomıkasyna 50 mıllıard dollardan astam qarjy quıyp, bes myńǵa jýyq jumys ornynyń ashylýyna múmkindik jasady. Búgingi dóńgelek ústelde 7 mıllıard dollar kólemindegi 20 kelisimshartqa qol jetkizýdi josparlap otyrmyz. Bul kásipkerlerimiz arasyndaǵy ózara baılanystyń deńgeıin kórsetedi. Biz Boıng ushaqtaryn satyp alýdy, Qazaqstanda 900 elektrovoz shyǵarýdy jáne aýyl sharýashylyǵy salasyndaǵy baılanysty aıtyp otyrmyz», - dedi Elbasy.

Nursultan Nazarbaev Qazaqstan amerıkalyqtarǵa vızasyz rejim engizgenin, endi mundaı qarymta qadamdy AQSh tarapynan kútetinin basa aıtty. Aldaǵy ýaqytta eki el arasynda tikeleı áýe qatynasy ornatylatynyn eske saldy.

«Qurmetti, Prezıdent! Sóz sońynda elderińizdiń ekonomıkalyq tabystarǵa qol jetkizýimen quttyqtaımyn. Siz tańǵalarlyq salyq reformasyn jasadyńyz. Bul qadamyńyzdy qoldaımyn, óıtkeni ondaı reformany men bes jyl buryn jasaǵan bolatynmyn. Bizde korporatıvtik salyq 20 paıyz, tabys salyǵy 10 paıyz. Sizdi toǵyzynshy nemereńizdiń dúnıege kelýimen quttyqtaımyn. Ótken jyly meniń onynshy nemerem jaryq dúnıe esigin ashqan bolatyn», - dedi Qazaqstan Prezıdenti.

Foto avtory: Baýyrjan Jýasbaev