Nazarbaev «Sergek» kameralary týraly: Maqtandyńdar, biraq nátıje joq

ASTANA. QazAqparat - Astana kóshelerine ornatylǵan «Sergek» beınebaqylaý kameralarynyń basym bóligi jumys istemeıdi. Bul týraly elordany odan ári damytý máseleleri jónindegi májiliste Elbasy Nursultan Nazarbaev aıtty, dep habarlaıdy QazAqparat.

«Ákim (elorda basshysy - Áset Isekeshev) «Astana - aqyldy qala» dep barlyǵyn retimen aıtyp berdi. «Sergekti» baqylaýǵa alyp, qarap shyqqanda 200 beınebaqylaý kamerasynyń tek 29-y ǵana jumys isteıtindigi anyqtaldy. Maqtandyńdar, biraq nátıje joq», - dedi Elbasy.

Memleket basshysy qalada jol-kólik oqıǵasy jáne taǵy basqa da máseleler  boıynsha oń nátıje bar ekendigin atap ótti.

«Biraq 200 beınebaqylaý kamerasy bolsa, onda onyń barlyǵy da jumys isteýi tıis», - dep eskertti Nursultan Nazarbaev.