Nazarbaev pen Pýtın adam kapıtalyn damytýǵa arnalǵan kórmeni tamashalady

ChELıABINSK. QazAqparat - Qazaqstan Prezıdenti Nursultan Nazarbaev Reseı Prezıdenti Vladımır Pýtınmen birge adam kapıtalyn damytý taqyrybyna arnalǵan kórmege bardy, dep habarlaıdy Aqordanyń baspasóz qyzmeti.

Kórme Qazaqstan men Reseıdiń HІV óńiraralyq yntymaqtastyǵy forýmy aıasynda ótkizildi. Memleketter basshylaryna Qazaqstan men Reseıdiń bilim berý júıeleriniń ekspozıtsııalary kórsetildi.

Kórmege Nazarbaev Ýnıversıteti, «Nazarbaev Zııatkerlik mektepteri» derbes bilim berý uıymdary, «Bilim-Innovatsııa» halyqaralyq qoǵamdyq qory, «Bilim Media Group» jaýapkershiligi shekteýli seriktestigi, ál-Farabı atyndaǵy Qazaq ulttyq ýnıversıteti, L.N. Gýmılev atyndaǵy Eýrazııa ulttyq ýnıversıteti, Halyqaralyq aqparattyq tehnologııalar ýnıversıteti, Almaty menedjment ýnıversıteti, Súleımen Demırel atyndaǵy ýnıversıtet, Qazaqstan-Brıtan tehnıkalyq ýnıversıteti, «Qarjy akademııasy» aktsıonerlik qoǵamy sııaqty Qazaqstandaǵy bilim berý mekemeleriniń jobalary qoıylǵan.