Nazarbaev Qazaqstan baılaryn aqshalaryn halyqpen bólisýge úndedi

ASTANA. QazAqparat - 2016 jyly Qazaqstan halqy Assambleıasy 900 mln. teńgege qaıyrymdylyq kórsetti. Bul týraly búgin elordadaǵy Beıbitshilik pen kelisim saraıynda ótip jatqan Qazaqstan halqy Assambleıasynyń XXV sessııasynda sóz sóılegen Elbasy Nursultan Nazarbaev aıtty, dep habarlaıdy QazAqparat.

«Búginde Assambleıa kóptegen qaıyrymdy jandardyń basyn qosyp otyr. Bul qoǵamdyq turaqtylyqtyń mańyzdy faktoryna aınalǵan. Ótken jyly Qazaqstan halqy Assambleıasy arqyly kórsetilgen qaıyrymdylyq kólemi 900 mln. teńgeden asyp tústi. Biz kishi otanymyz «Týǵan jer» jaıynda aıtyp jatyrmyz ǵoı. Qazir Qazaqstanda baqýatty adamdar az emes. Mine solar ózderiniń kishi otandaryna baryp, qaıyrymdylyq jasaı alady emes pe», - dedi Elbasy.

Memleket basshysy elimizdiń baqýatty azamattary týǵan aýyldaryna baryp, mektep, sport keshenin, joldar, monsha, naýbaıhana salyp bere alatyndyǵyn basa aıtty.

«Bizdiń barsha bıznesmenderge júgingim keledi: Úkimet, memleket sol aqshany tabý úshin jaǵdaı jasady. Endi sol qarajattan kishkene halyqpen de bólisińizder», - dedi Nursultan Nazarbaev.