Nazarbaev: Iran sanktsııa qursaýynda bolǵan kezde de baılanysymyzdy úzgen emespiz
«Eń aldymen Iran memleketiniń basshysy, qadirmendi Hasan Rýhanı myrzaǵa: delegatsııany basqaryp, Qazaqstanǵa qosh keldińiz deımin. Bul Iran basshysynyń Qazaqstanǵa ekinshi ret kelýi. Men bıylǵy sáýir aıynda resmı sapar jasadym. Sol kezde biz kezdesip, kóp máseleni sheshtik. Búgingi júzdesý sol kezdesýdiń jalǵasy jáne eki eldiń arasyndaǵy qarym-qatynasty odan ary joǵary sapaǵa kóterdi dep sanaımyz», - dedi Memleket basshysy.
QR Prezıdenti Iran musylman elderi arasynda Qazaqstannyń táýelsizdigin qoldaǵan eń alǵashqy elderdiń biri bolǵandyǵyn eske saldy. Qazaqstan 1991 jyldyń 16 jeltoqsanynda Táýelsizdigin jarııalasa, 1992 jyldyń 29 qańtarynda eki eldiń arasyndaǵy dıplomatııalyq qarym-qatynas ornaǵanyn atap ótti.
«Oǵan da minekeı 25 jyl bolady. Bul eki eldiń arasyndaǵy dostyq qatynastyń jarqyn kórinisi. Osy shırek ǵasyrdyń ishinde bizdiń memleketter arasyndaǵy qarym-qatynas óte qarqyndy damydy. Yntymaqtastyqtardyń barlyq baǵyttary boıynsha biz jumys istedik. Tehran Qazaqstannyń syrtqy ister saıası bastamalarynyń barlyǵyna qoldaý kórsetip keledi», - dedi Elbasy.
QR Prezıdenti Iran bizdiń óńirimizdegi jaqyn kórshimiz, senimdi áriptesimiz bolyp sanalatyndyǵyn da basa aıtty.
«Biz eshqashan, tipti Iran tóńireginde sanktsııalar bolyp jatqan kezde de baılanysymyzdy úzgen joqpyz. ıAdrolyq baǵdarlamaǵa qatysty kelissózderdiń eki raýndyn Almatyda ótkizip, qolymyzdan kelgenshe kómegimizdi berdik», - dedi Nazarbaev.