Nazarbaev elordanyń tártibi týraly: Astana - turǵyndar úshin jaıly qala bolýy kerek

ASTANA. QazAqparat - Elbasynyń qatysýymen Astanada ótip jatqan Elordany odan ári damytý máseleleri jónindegi májiliste Prezıdent Nursultan Nazarbaev shahardaǵy qoǵamdyq tártipti saqtaý baǵytyndaǵy jumysty kúsheıtýdi tapsyrdy, dep habarlaıdy «QazAqparat» HAA tilshisi.

«Qoǵamdyq tártip! Ótken jyly jemqorlyq sıpattaǵy qylmystyq isterdiń sany 2 jarym esege ulǵaıǵan. Qylmystyq jaýapqa 52 qyzmetker tartylǵan... Іshki ister departamentiniń bastyǵy qaıda?», - dedi májilis barysynda Prezıdent.

Memleket basshysynyń bul sózinen keıin ornynan kóterilgen qalalyq ІІD bastyǵy Marat Qojaev ókinishke qaraı, tártip saqshylarynyń qatarynda mundaı jaǵdaı kezdesip jatatynyn moıyndady.

«Óz qatarymyzda ondaılardy anyqtaýdy úırendik. Prokýraýramen, UQK-men birge jumys atqaramyz. Jol saqshylarynyń barlyǵyn vıdeotirkeýshimen qamtydyq. Sonymen qatar, bizdiń qyzmetkerler óz mindetin atqarǵan kezde eskertpeli jáne eskertpesiz tekseristerdi júrgizýdemiz. Bul jumysty jalǵastyrýǵa tyrysamyz», - dedi Marat Qojaev.

Budan keıin sóılegen Nursultan Nazarbaev vedomstvo basshysyna tapsyrma júktedi.

«Jaraıdy. Sizder ótken jyly ІІM-men birge «EKSPO-2017» kórmesi ótken kezde jaqsy jumys júrgizdińizder. Kórme ótken ýaqytta aıtarlyqtaı eskertý bolǵan joq. Demek, biz jumys isteı alamyz. Men mınıstrge de aıtqan edim: Astana turǵyndar úshin jaıly qala bolýy kerek. Mınıstrlik osynda. Álemdik tájirıbeni esepke ala otyryp, jastardy bul jumysqa tartyńyzdar. Tártip ornat!», - dep tapsyrdy Prezıdent.