Nazarbaev: Azamattardyń saıası pikirleriniń shashyrańqylyǵy - bizdiń kemshiligimiz

ASTANA. QazAqparat - Konstıtýtsııalyq reformaǵa qatysty azamattardyń pikirleriniń shashyrańqylyǵy bizdiń kemshiligimizdi bildiredi. Bul týraly búgin Aqordada ótip jatqan bılik tarmaqtary arasyndaǵy ókilettikterdi qaıta bólý jónindegi jumys tobynyń kezekti otyrysynda Elbasy Nursultan Nazarbaev aıtty, dep habarlaıdy QazAqparat.

«Azamattarymyz aıtqan pikirlerdiń shashyrańqy bolýy jumystaǵy, bılik júıesindegi bizdiń kemshilikterimizdi, ásirese quqyq qorǵaý organdarymen aınalysýymyz qajettiligin bildiredi. Maǵan da ólim jazasyna qatysty túrli máseleler aıtqan bolatyn»,- dedi Elbasy. 

Osy rette QR Prezıdenti jumys tobyna barlyq usynystardy tyńǵylyqty qarap, qajet emesterin alyp tastaýdy tapsyrdy.

«Sondyqtan jumys toby munyń barlyǵyn elekten ótkizip, barynsha mańyzdy pikirlerdi anyqtaýy qajet. Qatyp qalǵan eshteńe de joq, protsess, ómir júrip jatyr, barlyǵy da damýda. Ýaqyttyń talabyna sáıkes qandaı da bir ózgerister bolar», - dedi Nursultan Nazarbaev.