Nazarbaev - adamzat tarıhynda qalatyn kóshbasshylardyń biri jáne biregeıi ­- ózbek ǵalymy

ALMATY. QazAqparat - Nursultan Nazarbaev - adamzat tarıhyndaǵy  halqyna qıyn-qystaý sátte jol kórsetetin biregeı kóshbasshy. Osyndaı oıymen Almatyda ótip jatqan  «N. Nazarbaev: dáýir, kóshbasshy, qoǵam» ǵylymı praktıkalyq konferentsııasy barysynda Ulyqbek atyndaǵy Tashkent memlekettik Ýnıversıtetiniń fılosofııa fakýltetiniń dekany, professor Nıgına Shermuhamedova bólisti.

«Adamzat tarıhynda sheshýshi sát týǵan kezde halqyna jol bastaı biletin kóshbasshylar shyǵady. HH ǵasyrdyń qıyn qystaý sátterinde Nursultan Nazarbaev  óz halqyna osyndaı kóshbasshy bola bildi.  Búginde Nursultan Nazarbaev bastaǵan el tek qana táýelsiz derbes memleket emes, ekonomıka, áleýmettik ahýal, mádenıet, bilim berý boıynsha ózgelerge úlgi bolatyn elge aınaldy. Sanany jańǵyrtý  el damýyna tyń serpin bolary sózsiz. Óıtkeni, ekonomıkasyn damytyp, rýhanı damýyna mán bermegen eldiń jaǵdaıy qandaı bolatyny tarıhtan belgili. Ondaı elderde rýhanı daǵdarys bastalady. Munda basty basymdyq adamdardyń ıntellektýaldyq bilimin arttyrýǵa berilgen. Búgingi konferentsııada 25 jylda qandaı jetistikke jetýge bolatyny jaıly aıtyldy. Tarıhty tulǵalar jasaıdy. Ondaı tulǵalardyń biri Nursultan Nazarbaevtyń qyzmeti men kóshbasshylyǵy Orta Azııa elderi ǵana emes barlyq álemdegi elderge úlgi bolyp otyr», - dedi Nıgına Shermuhamedova.

Aıta ketý kerek, keshe Memlekettik ortalyq mýzeıde QR Tuńǵysh Prezıdenti kitaphanasynyń kóshpeli jobasy, kórme ashylǵan bolatyn. Búgin memleket basshysynyń kóshbasshylyq fenomenin, memleket qalyptastyrýdaǵy eren eńbegin talqylaý boıynsha ǵylymı konferentsııa ótip jatyr.

Mýzeıge adamdar áli de kelip jatyr emes.

Kelýshiler nazaryna kitaphananyń arhıv, kitap, mýzeı qorynyń sırek jádigerleri, Elbasynyń joǵary memlekettik marapattary, Qurandar kollektsııasy, ózge memleket basshylarynyń qoltańbasymen kitaptar, N.Nazarbaevtyń shet tilindegi kitaptary qoıyldy.

Astanadaǵy Elbasy mýzeıinen 800 túpnusqa qoljazba, sýret, jeke zattary ákelindi.

Kóshpeli kórme Almatyda 2 aıdaı turady. Keıin kórme Qaraǵandy men Shymkent qalalaryna ketedi.