Naızaǵaı, jel, burshaq: 23 mamyrǵa arnalǵan aýa raıy boljamy

ASTANA. QazAqparat - Qazgıdromet mamandary 23 mamyr, seısenbige arnalǵan aýa raıy boljamyn usyndy, dep habarlaıdy QazAqparat.

Atmosferalyq fronttardyń áserinen Qazaqstan aýmaǵynyń basym bóliginde aýa raıynyń turaqsyz sıpaty saqtalady.

Osyǵan baılanysty jańbyr jaýyp, naızaǵaı jarqyldaıdy.

Almaty oblysynyń ońtústiginde jáne taýly aýdandarynda burshaq jaýady.

Respýblıka boıynsha kúshti jel, batysta jáne ońtústikte – shańdy daýyl soǵady.

Pavlodar oblysynyń basym bóliginde, Qaraǵandy oblysynyń shyǵysynda, Atyraý oblysynyń ońtústiginde, Abaı oblysynyń Besqaraǵaı aýdanynda tótenshe órt qaýpi saqtalady.