Naızaǵaı, jańbyr, burshaq: Dúısenbige kún raıy boljamy

ASTANA. QazAqparat – 20 tamyzda atmosferalyq frontaldy bólikterdiń ótýimen elimizdiń basym bóliginde qubylmaly kún raıy saqtalady, onymen naızaǵaı, jańbyr, burshaq kútiledi. Elimizdiń ortalyǵy men ońtústik-shyǵysynda jaýyn-shashynsyz bolady. Respýblıkanyń soltústigi men soltústik-batysynda túngi jáne tańerteńgi saǵattarda tuman boljanady. Barlyq óńirde ekpindi jel turady, dep habarlaıdy QazAqparat «Qazgıdromet» RMK-ǵa silteme jasap.

Kúndiz Atyraý, Almaty, Jetisý, Ulytaý, Batys Qazaqstan oblystarynda, Aqtóbe, Qostanaı oblystarynyń ońtústiginde, Mańǵystaý oblysynyń soltústik-shyǵysynda 35-39 gradýs qatty ystyq kútiledi.

Atyraý, Mańǵystaý, Jambyl, Qyzylorda, Aqtobe oblystarynda, Qostanaı oblysynyń ońtústiginde, Almaty oblysynyń soltústiginde, Túrkistan oblysynyń soltústiginde, batysynda, ońtústiginde, shóldi aýdandarynda, Batys Qazaqstan oblysynyń shyǵysynda, batysynda, ortalyǵynda órt tutaný qaýpi asa joǵary.

Qaraǵandy oblysynda, Soltústik Qazaqstan, Ulytaý oblysynyń soltústiginde, shyǵysynda, ońtústiginde, Almaty oblysynyń ońtústiginde, Aqmola oblysynyń batysynda, soltústiginde, ońtústiginde, Batys Qazaqstan oblysynyń soltústiginde, ońtústiginde, Jetisý oblysynyń batysynda órt shyǵý qaýpi joǵary.