Naızaǵaı, burshaq, daýyl: 12 maýsymǵa arnalǵan aýa raıy boljamy

<p>ASTANA. KAZINFORM &mdash; Qazgıdromet sınoptıkteri 12 maýsym, sársenbige arnalǵan aýa raıy boljamyn jarııalady.&nbsp;</p>

Qazaqstan terrıtorııasynyń basym bóligine áli de atmosferalyq fronttar óz áserin tıgizedi.

Osyǵan baılanysty naızaǵaı jarqyldap, jańbyr jaýady, naızaǵaı, burshaq, daýyl kútiledi.

Elimizdiń shyǵysynda – qatty jańbyr jaýady, memleketimizdiń soltústik-batysynda jáne ońtústik-batysynda jaýyn shashynsyz aýa raıy bolady. Respýblıka boıynsha jeldiń kúsheıýi kútiledi.

Kúndiz Batys-Qazaqstan, Atyraý, Aqtóbe, Mańǵystaý oblystarynda qatty ystyq saqtalady.

Batys Qazaqstan, Jambyl, Almaty, Ulytaý, Jetisý oblystarynda, Mańǵystaý, Túrkistan, Qostanaı oblystarynyńbatysynda, ońtústiginde, Aqtóbe oblysynyń soltústik-shyǵysynda, Abaı oblysynyń ońtústiginde, Qaraǵandy oblysynyń ońtústiginde, ortalyǵynda, batysynda joǵary órt qaýipi saqtalady.

Atyraý, Túrkistan, Qyzylorda oblystarynda, Batys Qazaqstan oblysynyń batysynda, Mańǵystaý oblysynyń soltústiginde, ortalyǵynda, shyǵysynda, Aqtóbe oblysynyń ońtústiginde, batysynda, Jambyl oblysynyń batysynda, shyǵysynda, Almaty oblysynyń ortalyǵynda, Qostanaı oblysynyń ońtústiginde, Jetisý oblysynyń soltústiginde tótenshe órt qaýipi saqtalady.