Naýryzym qoryǵynda adasyp ketken bulannyń buzaýy qutqaryldy

NUR-SULTAN. QazAqparat – Qostanaı oblysy Naýryzym aýdanynda tabıǵat ınspektorlary adasyp aýylǵa kirgen bulannyń buzaýyn qutqardy. Bul týraly QazAqparat Orman sharýashylyǵy jáne janýarlar dúnıesi komıtetine silteme jasap habarlaıdy.

«Búgin, ıaǵnı aqpan aıynyń 5-shi juldyzynda Qostanaı oblysy Naýryzym aýdany Qaramendi aýylyna bulannyń buzaýy adasyp kirip ketti. Bul týraly jergilikti turǵyndar habarlaǵan. Habar túskennen soń qoryq ınspektorlary adasqan buzaýdy ormanǵa qaıta kirgizgen. Qoryq qyzmetkerleriniń deregine súıensek bulan buzaýy qar aralas jańbyrdan soń adasyp qalsa kerek», - dep jazady komıtettiń baspasóz hatshysy Aıan Meırash jelidegi paraqshasynda.

Onyń aıtýynsha, Naýryzym qoryǵynda janýardyń 45 túri mekendeıdi. Sonyń biri iri sútqorekti janýar — bulan. Qoryq aýmaǵynda sanaq boıynsha bulannyń 87 basy bar (Qazaqstanda - 6 046). Onyń 24-atalyq, 46-analyq, 17-buzaý.

Negizgi jıi meken etetin jeri Betaǵash ormanshylyǵy men Sosnov ormanshylyǵy. Shópter men kókterekterdiń qabyǵyn qorek etedi.