«Naýryzǵa nege kesh daıyndalamyz?» - respýblıkalyq basylymdarǵa sholý
***
«Egemen Qazaqstan» gazetiniń jazýynsha, keshe Syrtqy ister mınıstrliginiń resmı ókili Asqar Ábdirahmanovtyń buqaralyq aqparat quraldary ókilderimen dástúrli aptalyq brıfıngi bolyp ótti. Brıfıng barysynda jýrnalıster tarapynan resmı ókilge Qazaqstan men Qytaı arasyndaǵy «qupııa kelisimderge» qatysty suraq qoıylyp, oǵan jaýap bergen A.Ábdirahmanov: «Birqatar buqaralyq aqparat quraldary men Internette taratylyp otyrǵan Qazaqstan jaǵy Qytaı tarabymen «áskerlerdi engizý» men «jerdi jalǵa berý» jóninde jasyryn kelissózder jasapty-mys degen sózderge baılanysty mınıstrlik atalǵan aqparattyń shyndyqqa múldem janaspaıtyndyǵyn resmı túrde málimdeıdi. Osy tektes aqparattyń taratylýy qoǵamdyq pikirge belgili bir maqsatpen teris yqpal etýdi jáne arandatýdy kózdeıdi», - dep atap kórsetken. Maqala «Jalaǵa jol joq» degen taqyryppen basylyp otyr.
«Shý lokomotıv jóndeý zaýyty - elimizge jáne jaqyn shet elderge servıstik qyzmetimen keńinen tanymal kásiporyn. Endi, mine, osy kásiporyn jaqynda taǵy bir jańa jobanyń tusaýyn kesti. Orys eliniń Krasnoıar qalasyndaǵy kombaın zaýytymen kelisim-shartqa otyrǵan lokomotıvshiler endi «Enıseı-1200» kombaındaryn qazaq elinde qurastyrýǵa qol jetkizdi», - dep jazady «Egemen Qazaqstan» gazeti búgingi sanyndaǵy «ENISEI-1200» Shýda shyǵarylady» degen maqalasynda. Basylymnyń atap ótýinshe, atalǵan zaýytta qurastyrylatyn bir kombaınnyń quny shamamen 12 mıllıon teńgeni quramaq.
***
«Naýryzǵa nege kesh daıyndalamyz?». «Aıqyn» gazetiniń búgingi sanynda osyndaı taqyryppen jaryq kórgen maqalada Elbasynyń jarlyǵymen 3 kún mereke bolyp bekitilgen ulttyq merekemizdi ulyqtaýǵa kelgende kemshin túsip jatqan kemshilikterimiz synǵa alynǵan. «Ókinishke qaraı, qańtardyń alǵashqy kúnin qarsy alýǵa bir aı buryn erekshe ázirlenetin ákim-qaralar, san túrli taýarlarǵa merekelik jeńildikter usynyp, jurttyń nazaryn aýdarýǵa baryn salatyn bıznes ókilderi Naýryzǵa kelgende, nege únsiz qalatyny túsiniksiz... 8 naýryzda áıelderdi aıalaýmen aıaqtalǵan jaıly jarnamalar da aıaq asty joǵalyp ketedi!», - dep jazady basylym.
«Aıqyn» gazetiniń jazýynsha, Pavlodar oblysyna qarasty Aqtoǵaı aýdanynyń turǵyndary úreı qushaǵynda júr. Kúndiz kúlkiden, túnde uıqydan aıyrylǵandaı súlesoq kúı keshýde. Tipte keshke qaraı aýyldan alty qadam attap basýǵa qorqady. ıAǵnı búgingi kúni Aqtoǵaı aýdanynyń jıektegi aýyldarynda «tuıaqty qyz» paıda bolypty degen sóz gýlep júr. Bul soqyr senim be, joq álde «samaýyr qaınady» degendi «Samarqandty sý basty» dep ósirip jiberetin ósekshildik pe, tylsym kúsh pe, ne ekenin eshkim tap basyp aıta almaıdy. Sebebi «tuıaqty qyzdyń» qolynan ustap, shashynan sıpap kórgen eshkim joq. Sonymen aýyl aıtqyshtarynyń áńgimesine qanyqqyńyz kelse, «Aqtoǵaılyqtardy alańdatqan «tuıaqty qyz» kim?» degen maqalaǵa nazar aýdaryńyz.
***
«Qansha jyldan beri tek sóz júzinde aıtylyp kelgen jel energııasyn paıdalanyp, elektr qýatyn óndirý máselesi elimizde aqyry naqty iske asatyn syńaıly», - dep jazady «Alash aınasy» gazeti. Basylymnyń atap ótýinshe, 2015 jylǵa qaraı Qazaqstanda bes birdeı jel energııasy ortalyǵyn ashý josparlanyp otyr. Osynyń arqasynda 2015 jylǵa qaraı elimizdegi jel energııasynyń úles salmaǵy 1 paıyzǵa jetse, 2030 jylǵa deıin bul kórsetkish 4 paıyzǵa kóteriledi degen boljam bar. Salynatyn árbir ortalyqtyń qýaty 50 MVt bolmaq. Bul jaıynda egjeı-tegjeıli maǵlumat alǵyńyz kelse, «Jel energııasy shyndyqqa aınalatyn túri bar» degen maqalaǵa nazar aýdaryńyz.
Osy basylymnyń turaqty «Dat!» aıdarynda Májilis depýtaty Gúlnár Seıitmaǵanbetovamen aradaǵy suhbat «Erdiń baqytyn keltiretin de, ketiretin de - áıel» degen taqyryppen berilgen. Tilshi saýaldaryna tuşymdy jaýap bergen halyq qalaýlysy: «Júreginde qazaqy rýhtyń oty laýlaǵan azamattardy tárbıeleýge tıispiz. Orystanǵan, otarlanǵan sanadan arylatyn zaman jetti. Sondyqtan da urpaqtyq tárbıeniń dińi til men diline, dininen beriktikke baǵyttalǵany jón», - deıdi.
***
Astana qalasynda týberkýlezge qarsy kúres aılyǵy bastaldy. Bul týraly «Astana aqshamy» gazetiniń beısenbilik nómirindegi «Aldyn alǵan abzal» degen taqyryptaǵy maqalada aıtylǵan. Basylymnyń atap ótýinshe, ótken jyldyń qorytyndysy boıynsha týberkýlezge shaldyǵý kórsetkishi elorda boıynsha 13,1 paıyzǵa tómendegen. Týberkýlezdiń saldarynan týyndaıtyn ólim sany sońǵy 5 jylda eki esege azaıyp, jasóspirimder arasynda aýrýdyń taralýy 21,5 paıyzǵa jáne balalar arasynda 7,7 paıyzǵa kemigen.
***
«Qazaqstan quramasynyń tennısshileri jyldyń eń úlken sensatsııasyn jasady. Óz tarıhynda tuńǵysh ret Devıs kýbogynyń 16 úzdik komandasyna Qosylǵan Qazaqstan, ótken aptada Chehııa quramasyn utyp, jarystyń shırek fınalyna joldama aldy»,- dep jazady «Nur Astana» gazeti. Sportshylarymyzdyń halyqaralyq dodadaǵy jetistikteri jaıynda egjeı-tegjeıli bilgińiz kelse, «Qazaqstan Devıs kýbogynan dámeli» degen maqalaǵa kóz júgirtińiz. Sondaı-aq el tennısshileriniń jetistigi jaıynda «Egemen Qazaqstan», «Aıqyn», «Alash aınasy», «Kazahstanskaıa pravda», «Lıter» basylymdarynda da keńinen jazylǵan.
***
«Kazahstanskaıa pravda» gazetiniń jazýynsha, 17 naýryzda Memleket basshysy Nursultan Nazarbaev Máskeýge jumys saparyn jasaıdy. Kórshiles memleket basshylyǵymen ótetin kezdesý barysynda Qazaqstan men Reseı arasyndaǵy ekijaqty jáne kópjaqty formattaǵy yntymaqtastyqtyń ózekti máselelerin talqylaý josparlanǵan.