«Naýryzdyń mańyzy artyp, Jańa jyldyń máni tómendep keledi»-respýblıkalyq basylymdarǵa sholý
***
«Egemen Qazaqstan» gazetiniń jazýynsha, keshe Elbasy N.Nazarbaev Aqtóbe oblysyna jumys saparymen keldi. «Shúkir, óńirde Memleket basshysyna «bizderde mynadaı bar, mynadaı bar» dep kórsetetindeı tabystar da jetkilikti. Ótken jyly ónerkásip óniminiń kólemi 951,1 mlrd. teńge boldy, bul onyń aldyndaǵy jylmen salystyrǵanda 255,9 mlrd. teńgege kóp. 2010 jyly qarastyrylǵan 24 jobanyń iske qosylýy barysynda 109,8 mlrd. teńge ınvestıtsııa ıgerilip, 5,4 myń jumys orny ashyldy», - dep jazady basylym. Maqala «Órkendi ister, ómirsheń bastamalar» degen taqyryppen berilgen.
***
«Aıqyn» gazetiniń dástúrli «Aq sóıle!» aıdarynda Astana qalalyq tilderdi damytý basqarmasynyń bastyǵy Orazkúl Asanǵazymen aradaǵy suhbat «Naýryzdyń mańyzy artyp, Jańa jyldyń máni tómendep keledi» degen taqyryppen berildi. Basylym tilshisiniń barlyq saýaldaryna tuşymdy jaýap bergen ol: «Táýelsizdiktiń 20 jyldyǵyna aralas mektepterdi qazaq mektepterine aınaldyra alsaq, bul úlken jaqsylyqtyń basy bolar edi. Ol orystildi mektep pe, nemistildi mektep pe, birinshi basshylary memlekettik tildi erkin meńgergen azamat bolýy tıis. Sebebi mektepter - memlekettik mekemeler. Qaı mektep bolmasyn, ol Qazaqstan memleketiniń qarjysyna jumys istep jatyr», depti.
«Sáýir aıynyń 3 juldyzyna josparlanǵan QR Prezıdentiniń kezekten tys saılaýyna densaýlyǵyna baılanysty qatysa almaıtyn Qazaqstan azamattarynyń Konstıtýtsııalyq quqyqtary shektelmeıdi. Sebebi saılaý kampanııasynyń músheleri olardyń daýystaryn úılerinen alyp ketedi», - dep jazady «Aıqyn» gazeti. Basylymnyń atap ótýinshe, eń bastysy, saılaýshy saılaý kúni túngi saǵat 12-ge deıin óz ýchaskesine habarlasyp, naýqastanyp qalǵandyǵyn jetkizýi tıis. Osylaı bolǵan jaǵdaıda mamandar saılaýshynyń úıine baryp, qalaǵan kandıdatyna daýys berý sharalaryn ótkizedi. Al shet memleketterde elimizdiń 14 myń azamaty daýys beredi.
***
«Alash aınasy» gazetiniń turaqty «Dat!» aıdarynda Halyqaralyq túrki akademııasynyń prezıdenti, fılologııa ǵylymynyń doktory, professor Shákir Ybyraevpen aradaǵy suhbat «Naýryz kelgende jer betin nur shalady» degen uǵym ıslamnan áldeqaıda buryn paıda bolǵan» degen taqyryppen berilgen. «Naýryz merekesi arqyly halqymyzdyń salt-dástúrin, ádet-ǵurpyn, adamdardyń bir-birine dostyq qarym-qatynasyn dáripteýimiz kerek. ıAǵnı, Naýryzdyń jaqsylyqty, molshylyqty nasıhattaıtyn eski astaryn túsinýge tıispiz», - deıdi ǵalym.
Osy basylymnyń jazýynsha, keshe Parlament Májilisinde halyq qalalýlylary men palatanyń apparat qyzmetkerleri Naýryz meıramyna baılanysty merekelik shara uıymdastyryp, Ulystyń uly kúnin saltanatty jaǵdaıda atap ótti. Jıyn barysy merekelik shaǵyn kontserttik baǵdarlamaǵa ulasyp, sońynan májilismender Naýryz dastarqanynan dám tatyp, kójesinen aýyz tıip tarqasty.
***
«Keshe Senat Tóraǵasy Qasym-Jomart Toqaev Belarýs Respýblıkasynyń Qazaqstandaǵy Tótenshe jáne Ókiletti Elshisi Valerıı Brylevti qabyldady», - dep jazady «Kazahstanskaıa pravda» gazeti. Basylymnyń atap ótýinshe, ekijaqty qatynastardy odan ári nyǵaıtý máseleleri boıynsha pikir almasý barysynda taraptar Qazaqstan men Belarýstiń ózara is-qımyly qarqyndy damyp kele jatqanyn atap ótti jáne parlamentaralyq quramdaǵy baılanystardy odan ári belsendilendirýdi jaqtaıtyndaryn aıtty.