Naýryzdyń 20-24 aralyǵynda respýblıkalyq joldar 86 márte jabyldy - mınıstrlik

NUR-SULTAN. QazAqparat – Naýryz meıramy kúnderi aýa raıynyń buzylýyna baılanysty respýblıkalyq mańyzy bar joldardaǵy 86 ýchaskede avtokólikter úshin qozǵalys shekteldi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Eń kóp jabylǵan jol ýchaskeleri boıynsha birinshi orynda Aqmola oblysy tur. Munda qozǵalysqa shekteý óńirdiń 29 jol ýchaskesinde engizildi.

Qaraǵandy oblysynda joldar naýryzdyń 20-sy men 24-i aralyǵynda 15 márte, al Shyǵys Qazaqstan oblysynda 14 ret jabyldy.

Aıta ketý kerek, bes kúnniń ishinde atalǵan óńirlerde jaýyn-shashynnyń aılyq mólsheri túsken.

Qys bastalǵaly respýblıkalyq tas joldardaǵy qozǵalysqa shekteý barlyǵy 997 ýchaskede engizilgen.