Naýryzdan bastap Qazaqstan men Mysyr arasynda áýe qatynasy qaıta jandanady

NUR-SULTAN. QazAqparat - Egıpetke reıster qaıta bastalady, dep habarlaıdy QazAqparat Azamattyq avıatsııa komıtetine silteme jasap.

Qazaqstan Respýblıkasynyń aýmaǵynda koronavırýsty ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń 17 aqpandaǵy sheshimine sáıkes Qazaqstan men Mysyr arasyndaǵy áýe qatynasy qaıta jandanyp otyr.

Naýryz aıynan bastap qazaqstandyq «Eır Astana», «Fly Arystan» jáne «SCAT» áýekompanııalary Nur-Sultan, Almaty, Shymkent, Atyraý, Aqtóbe, Oral jáne Qostanaı qalalarynan Sharm-el-Sheıh qalasyna týrıstik reısterdi qalpyna keltirýdi josparlap otyr.

Reıster sanıtarlyq - epıdemıologııalyq talaptardy qatań saqtaı otyryp jáne áýekompanııalar saıtynda jarııalanǵan kestege sáıkes oryndalady.