Naýryzdan bastap 5 memlekettik organǵa qyzmetkerlerdi qabyldaý onlaın júrgizilip jatyr - agenttik

ASTANA. QazAqparat – Naýryz aıynan bastap 5 memlekettik organǵa qyzmetkerlerdi qabyldaý onlaın júrgizilip jatyr. Muny elordada ótip jatqan «Memlekettik qyzmettiń úsh taǵany: Merıtokratııa. Adaldyq. Innovatsııalar» konferentsııasy aıasynda BAQ ókilderiniń saýlyna jaýap bergen Memlekettik qyzmet isteri agenttiginiń tóraǵasy Darhan Jazyqbaev aıtty, dep habarlaıdy QazAqparat tilshisi.

«Biz qazir «E-qyzmet» portalyn tolyq avtomattandyrýǵa kóshtik. Biz ony 2022 jyly qolǵa alǵan bolatynbyz. Bıyl 1 naýryzdan bastap 5 memlekettik pılottyq jobany júrgizip jatyrmyz. Bul – zań talaby. Qandaı da bir jobany óndiriske engizý úshin ol 1 jyl pılottyq negizde synaqtan ótýi tıis. Joba qazir Saýda jáne ıntegratsııa, Indýstrııa jáne ınfroqurylymdyq damý mınıstrlikteri men Aqmola oblysy, Shymkent qalasy jáne bizdiń agenttikte pılottyq rejımde istep tur. Osy memlekettik organdarda qazir qyzmetke qabyldaý onlaın túrde júrgizilip jatyr», - dep málim etti Darhan Jazyqbaeva.

Onyń aıtýynsha onlaın rejımde memlekettik qyzmetkeke turý 5 kezeń boıynsha ótedi. Barlyq protsedýralardyń elektrondyq formatta bolýy – bul salanyń ashyqtyǵyn qamtamasyz etedi.

«Barlyq memlekettik organdarǵa ótinish bergen adamdar bar. Biz ony qazir qarap otyrmyz. Máselen, qazirgi tańda bizdiń aqparatymyz boıynsha Saýda jáne ıntegratsııa mınıstrligine qyzmetke ornalasýǵa nıet bildirgen - 8, Aqmola oblysynda 2 adam ótinish joldady. Vakansııa qaı kezde bolady, sol kezde ol ashyq túrde jarııalanyp, ótinishter qabyldanady», - dedi Darhan Jazyqbaev BAQ ókilderiniń saýalyna jaýap bere otyryp.

Osy konferentsııa aıasynda baıandama jasaǵan Astana memlekettik qyzmet habynyń basshysy Álıhan Báımenov bolsa, memlekettik qyzmetti jetildirý úshin 70-ten asa arnaıy zertteý júrgizilgenin atap ótti.