Naýryzda qoı, sıyr, jylqy eti qymbattady - statıstıka
«2020 jylǵy naýryzda 2019 jylǵy jeltoqsanmen salystyrǵanda aýyl sharýashylyǵy qurylymdary ótkizgen aýyl sharýashylyǵy ónimi 2, ósimdik sharýashylyǵy ónimi 2,6 paıyzǵa qymbattady. Al mal sharýashylyǵy ónimine baǵa ózgergen joq», - delingen komıtet aqparatynda.
Vedomstvo málimetinshe, osy jylǵy qańtar-naýryzda baǵa qaraqumyqqa - 15, bıdaıǵa - 3, júgerige - 0,9, qara bıdaıǵa - 0,5, arpaǵa - 0,3, kúrishke - 0,2 paıyz ósip, taryǵa 0,2, sulyǵa 0,1 paıyz tómendedi.
Kartop - 2, ashanalyq sábiz - 1,8, basty pııaz - 0,5, qyryqqabat 0,2 paıyz qymbattady. Ashanalyq qyzylsha 0,2 paıyz arzandady. Baǵa keptirilgen burshaqqa - 4,5, keptirilgen jasymyqqa - 2, kúnbaǵys tuqymyna 1,3 p paıyz ósti. Al soıa burshaǵyna 0,3 paıyz tómendedi.
Baǵa qus etine - 3, shoshqa etine 0,4 paıyz tómendedi, al qoı etine - 2,3, iri qara mal etine - 2, jylqy etine 1,5 paıyz ósti. Shıki sút - 3,6, bal 2,1 paıyz qymbattap, jumyrtqa 5,3 paıyz arzandady.