Naýryzda ınflıatsııa alǵash ret 18 paıyzǵa deıin tómendedi

ASTANA. QazAqparat - Tutyný baǵalarynyń ındeksi 2023 jyldyń naýryzynda aqpanmen salystyrǵanda 0,4 paıyzdyq tarmaqqa tómendep, 0,9% qurady. Azyq-túlik taýarlarynyń baǵasy – 1,1%, azyq-túlik emes taýarlar men aqyly qyzmetter 0,8% ósti, dep habarlaıdy QazAqparat ulttyq statbıýroǵa silteme jasap.

Azyq-túlik taýarlary arasynda kókónis baǵasy aıtarlyqtaı ósken, naýryzda qyzanaqtar – 12,7%, tátti burysh – 4,9%, qyryqqabat – 4,5%, qyzylsha 3,6% qymbattaǵan.

Baǵa ósimi kúrishke – 3,4%, salqyndatylǵan sýsyndarǵa – 3,3%, maılylyǵy 2,5% aıranǵa – 3,0%, ýltrapasterlengen sútke – 2,8%, banandarǵa – 2,2%, sıyr etine jáne qyshqyl sút ónimderine – 2,1%-dan, sary maıǵa – 1,4%, keptirilgen jemister men jańǵaqtarǵa, kondıterlik ónimderge 1,3%-dan baıqaldy.

Qııar – 7,3%, qant – 2,1%, qaraqumyq jarmasy - 2% arzandady.

Azyq-túlik emes taýarlardyń ishinde naýryzda baǵanyń eń kóp ósýi jıhaz jáne úıge qajetti zattarǵa – 2,3%, jeke qoldanylatyn taýarlarǵa 1,3% baıqaldy.

Máselen, ótken aımen salystyrǵanda elektr aspaly shamy – 4,3%, kilem – 2,5%, dıvan-tósek – 2,4%, oryndyq 2,2% ósti.

Jeke qoldanylatyn taýarlar ishinde dezodorant – 2,5%, dárethana qaǵazy – 1,9%, ıis sabyn – 1,7%, tis şetkasy – 1,5%, shashqa arnalǵan boıaý 1,3% qymbattady.

Qyzmet kórsetý boıynsha baǵalardyń ósýi densaýlyq saqtaý qyzmetterine 1,7% boldy.

Stomatologııalyq qyzmetter – 1,8%, medıtsınalyq zerthanalar qyzmetteri 1,1% qymbattaǵan.

Baǵanyń joǵarylaýy jolaýshylar temir jol kóligi qyzmetterine – 3,7%, shashtaraz ben sulýlyq salondaryna – 2,5%, úı jóndeý jáne qyzmet kórsetýge 0,7% tirkelgen.

Óńirler arasynda eń joǵary aılyq ınflıatsııa Almaty oblysynda – 1,5% (ortasha respýblıkalyq deńgeıden 0,6 p.t. joǵary), eń tómengi – Astana qalasynda 0,4% tirkeldi.

Óńirler boıynsha azyq-túlik taýarlaryna eń joǵary baǵa Almaty oblysynda – 2,2%, azyq-túlik emes taýarlar – Mańǵystaý jáne Qaraǵandy oblystarynda 1,1%-dan, aqyly qyzmetter Túrkistan oblysynda 2,0% ósti.

2023 jylǵy naýryzda jyldyq mánde ınflıatsııa deńgeıi 18,1% qurady. Azyq-túlik taýarlarynyń baǵasy 20,5%, azyq-túlikke jatpaıtyn taýarlar 18,1%, aqyly qyzmetter 14,4% ósti.

2022 jylǵy naýryzben salystyrǵanda shaqpaq qant – 77%, kir sabyn – 73,3%, keńse taýarlary – 72,8%, balalar sabyny – 55,6%, basty pııaz – 55,1%, ydysty jýýǵa arnalǵan quraldar – 53,9%, keptirilgen órik – 53,6%, dárethana qaǵazy 49,5% qymbattady.

Kerisinshe, jyldyq mánde qyryqqabat 51,1% arzandady.