Naýryzda Elektrondyq eńbek bırjasyna 62,5 myń bos jumys orny ornalastyryldy
Atap aıtqanda, onyń ishinde 49,8 myńy – bilikti qyzmetkerler úshin. Іzdenýshiler 51,1 myń túıindeme jarııalady, onyń 34,3 myńy bilikti mamandardan.
Ótken aımen salystyrǵanda EEB - daǵy bos jumys oryndarynyń jalpy sany 5% - ǵa, al ornalastyrylǵan túıindemelerdiń sany 17% - ǵa azaıdy. Qazirgi ýaqytta EEB-da 32,2 myń bos jumys orny ashyq kúıinde qalyp otyr.
«1 naýryzdan bastap portal keńeıtilgen fýnktsıonalmen jumys isteıdi. ıAǵnı jumys berýshini nemese jumyskerdi izdeý krıterııleriniń sany ulǵaıdy, kásipterdiń jańartylǵan anyqtamalyǵy men daǵdylar banki engizildi, sondaı-aq «Eńbek» memlekettik baǵdarlamasy sheńberinde paıdalanýshylarǵa erikti túrde qonys aýdarý jóninde aqparat beretin servıs alǵash ret iske qosyldy. Paıdalanýshylardyń jańartylǵan qyzmetke degen qyzyǵýshylyǵynyń artýyn kútemiz, ol jumys berýshilerge tıisti qyzmetkerlerdi tańdaýǵa, al azamattarǵa laıyqty jumys tabýǵa kómektesedi», – dep atap ótti ERDO Strategııa jáne jobalyq basqarý departamentiniń bas sarapshysy Aıjan Muqyshbaeva.
Jekelegen bilikti mamandyqtardy qarastyra otyryp, naýryz aıynda EEB-da avtobýs júrgizýshileriniń (950 bos orynǵa qarsy 217 túıindeme), kúzetshilerdiń (385 túıindeme jáne 941 bos oryn), orta medıtsınalyq personaldyń (772 túıindeme jáne 1559 bos oryn), daıashylardyń (18 túıindeme jáne 506 bos oryn) jáne jalpy praktıka dárigerleriniń (186 túıindeme jáne 669 bos oryn) tapshylyǵy baıqalǵanyn atap ótken jón. Biliktiligi joq qyzmetkerlerdiń arasynda júk tıegishter, tazalaýshylar, sondaı-aq as úı boıynsha kómekshiler jetispeıdi.
«Pandemııa kezinde densaýlyq saqtaý salasyndaǵy joǵary bilikti mamandarǵa da suranys joǵary. Naýryzda 3,2 myń bos jumys orny ornalastyryldy, olar boıynsha negizinen jalpy praktıka dárigerleri, pedıatr dárigerler, anestezıolog dárigerler jáne reanımatologtar qajet boldy. Sonymen qatar, bar usynys jumys berýshilerdiń qajettilikterin qanaǵattandyrmaıdy. Naýryzda osyndaı 788 túıindeme ǵana ornalastyrylǵan», – dep qorytyndylady Aıjan Muqyshbaeva.
Aıta ketý kerek, bilikti emes eńbek usynysy, sondaı-aq mamandyqtar boıynsha bilikti jáne bilikti emes eńbek resýrstaryna suranys ótken aımen salystyrǵanda ózgerissiz qaldy, al bilikti eńbek usynysy aıtarlyqtaı ózgeristerge ushyrady. Aqpan aıynda kóbinese keńse qyzmetkerleri, qarjy jáne ınvestıtsııalar boıynsha keńesshiler, zańgerler men ekologtar kóp bolǵan bolsa, naýryz aıynda aýyl sharýashylyǵy qyzmetkerleri, kondıterler men tiginshiler arasynda joǵary básekelestik baıqalady. Biliktiligi joq jumyskerlerge keletin bolsaq, naýryz aıynda aýmaqty kógaldandyrý jáne abattandyrý boıynsha jumysshylar, aýla sypyrýshylar, sondaı-aq vahterler men konserjder artyq boldy.
Óńirlik bóliniste jumys berýshilerden usynǵan bos jumys oryndarynyń eń kóp sany Nur-Sultan qalasynda (jalpy sanynan 9,4 myń nemese 15%), Qostanaı oblysynda (7,4 myń nemese 12%), sondaı-aq Almaty qalasynda (5,6 myń nemese 9%) baıqaldy. Bul rette bir aı ishinde bos oryndar sanynyń eń kóp ósýi Nur-Sultan qalasynda (+23%), Soltústik Qazaqstan (+22%) jáne Pavlodar (+22%) oblystarynda oryn aldy. Sonymen qatar, bos oryndardyń eń azy Qyzylorda (jalpy sanynan 1,3 myń nemese 2%) jáne Jambyl (1,9 myń nemese 3%) oblystarynyń, sondaı-aq Shymkent qalasyna (1,9 myń nemese 3%) tıesili bolyp otyr. Bir aıda bos oryndar sanynyń qysqarýy Túrkistan (-45%) jáne Jambyl (- 32%) oblystarynda baıqaldy.
«Naýryz aıynda bilikti eńbekke degen qajettilik Pavlodar jáne Soltústik Qazaqstan oblystarynda 24%-ǵa jáne 19% - ǵa ósti. Eki aımaqta da fermerler men aýyl sharýashylyǵy salasyndaǵy jumysshylar, sondaı-aq qyzmet kórsetý jáne satý salasyndaǵy jumysshylar suranysqa ıe boldy. Soltústik óńirlerde kóktemgi egis jumystarynyń bastalýy aıasynda aýyl sharýashylyǵy qyzmetkerlerine suranystyń artýyn kútýdemiz, al qyzmet kórsetý jáne satý salasyndaǵy qyzmetkerlerge qajettiliktiń artýy naýryz aıynyń basynan bastap osy óńirlerde karantındik sharalardyń álsireýimen baılanysty», – dedi Aıjan Muqyshbaeva.
Іzdenýshilerge keletin bolsaq, túıindemelerdiń eń kóp sany Jambyl (jalpy sanynan 6 myń nemese 12%), Almaty jáne Túrkistan oblystarynda (4,1 myń nemese 8%) ornalastyryldy. Bul rette naýryz aıynda Aqmola jáne Soltústik Qazaqstan oblystarynda turatyn azamattar az jumys izdegen (1,5 myń nemese 3%-dan).