Naýryzbaı aýdany boıynsha negizi kapıtaldyń ınvestıtsııalyq kólemi 7,5 mlrd teńgeni qurady
Naýryzbaı aýdany 2014 jyly qurylǵan, onda 157 myń adam turady. Aýdannyń aýmaǵy 6 967 gektardy nemese 69,67 sharshy metrdi quraıdy (qala kóleminiń 10,1%).
Saıran Saıfedenov Almaty qalalyq Óńirlik kommýnıkatsııalar qyzmeti alańyndaǵy sóılegen sózinde aýdannyń ekonomıkalyq kórsetkishteri jaıly málim etti.
Onyń deregine sáıkes 2016 jylǵy 21 qazandaǵy málimet boıynsha aýdandaǵy salyq mólsheri 3,7 mlrd. teńge, onyń ishinde 2,2 mlrd. teńge ótken jylǵy, ıaǵnı ósimniń dınamıkasy 170,1% quraǵan. Osy jylǵy aldyn ala boljamnyń 78,8 %, ıaǵnı 4 mlrd. 778 mln. 545 myń teńgesi oryndalǵan.
«Negizgi kapıtal ınvestıtsııasynyń kólemi 7,5 mlrd. teńge shamasynda bolǵan. Bul kórsetkish byltyrǵy jylmen salystyrǵanda 3,6 ese ósken (qurylys esebinen). Jalpyqalalyq kólem úlesi 2,2%, negizgi kapıtaldaǵy syrtqy ınvestıtsııa úlesi jalpy kórsetkishten 0,5 %-ǵa (112 mln. 339 myń teńge) jetken», - dedi ol.
Saıran Saıfedenov «Jumyspen qamtýdyń jol kartasy - 2020» baǵdarlamasy aıasynda jumystardyń jospary týraly aıtty. 874 mln. teńge kelesi jumystarǵa jumsalady: bir balabaqshanyń jóndeý jumysy úshin 5,2 mln. teńge, úsh mekteptiń jóndeý jumystary úshin 22,5 mln. teńge, bir emhananyń jóndeý jumysy boıynsha 13 mln. teńge, 22 shaqyrym joldyń ortasha jóndeý jumysy úshin 392,5 mln. teńge, 8,3 shaqyrymdyq aryq júıesiniń aǵymdyq jóndeý jumysy úshin 146 mln. teńge, syrtqy jaryqtandyrý tirekteriniń aǵymdyq jumysy úshin 79,7 mln. teńge, 11 alańnyń aǵymdyq jóndeý jumysy úshin 172,2 mln. teńge bólinedi.
Aýdan ákimi, Qalqaman móltekaýdanynda - 1, 2, 3, 4 jáne Alty-Alashta 6 mlrd. teńgege 7,5 shaqyrymdyq sý qubyrlary jelileri men 5,5 shaqyrymdyq káriz jelilerin salý jumystary júrgizilip jatqanyn tilge tıek etti.
«Qazirgi tańda aýdannyń ınjenerlik júıeleri boıynsha sý berý jáne sý tazartý qubyrlarynyń qurylysy úshin Aqsaı aýdanynda qashyqtyǵy 10 shaqyrymdyq 199 mln.teńgege jáne Qarǵaly aýdanynda 152 mln.teńgege 10 jobalyq-smetalyq qujat daıyndalýda. Jalpy somasy 352 mln. teńge, sondaı-aq 7 móltekaýdandaǵy magıstraldik jeliler úshin jalpy somasy 171 mln. teńge qarjy bólindi», - dep atap ótti ol.
Aýdannyń irgesi qalanǵaly 1200 oryndyq №157 mektep, Qalqaman shaǵynaýdanynda aýysymyna 200 naýqasty qabyldaıtyn emhana, 4,7 shaqyrymdyq jaıaý júrginshilerge arnalǵan jol, 1,6 shaqyrymdyq aryqtar, 2 uńǵyma, 1400 sharshy shaqyrymdyq 1 saıabaq, ınvestorlardy tartýdyń arqasynda aýlalarda 16 sporttyq jáne balalar alańy salyndy. Aýdan aýmaǵynda birneshe nysandardyń qurylysy júrgizilýde. Sonymen qatar, memlekettik-jeke seriktestik aıasynda mektepter men balalar baqshasy turǵyzylýda.
Aıta keteıik, «Bes ınstıtýtsıonaldyq reformany júzege asyrýdaǵy 100 naqty qadam» Ult josparynyń 34-shi qadamynda memlekettik-jeke seriktestikti damytý aıtylǵan. Bul másele Memleket basshysynyń jiti qadaǵalaýynda. «Penıtentsııarlyq mekemelerdi salýǵa, ustaýǵa jáne basqarýǵa jekemenshik sektordy tartý jóninde usynystardy eksheý jáne halyqaralyq tájirıbeni zertteý», delingen Ult josparynyń 34-shi qadamynda.