Naýryzbaı aýdany ákimdigi jańa ǵımaratqa shildede kóshetin boldy
Almaty ákimi Baýyrjan Baıbek kezekti jumys saparynda Naýryzbaı aýdanyndaǵy ákimshilik ortalyqtyń jáne áleýmettik nysandardyń qurylys barysyn, sonymen qatar Qarǵaly ózeni boıyn abattandyrý jumystaryn tekserdi.
Baspasóz qyzmetiniń málimdeýinshe, jalpy uzyndyǵy 7,7 shaqyrym bolatyn Qarǵaly ózeniniń arnasyna beton konstrýktsııalaryn tóseý jumystary aıaqtaldy. Ózen jaǵasyna topyraq tógilip jatyr. Ózennen úsh ótpeli kópir salyndy.
Bıznestiń áleýmettik jaýapkershiligi aıasynda aýdan turǵyndarynyń demalýy úshin ózen jaǵalaýy túgeldeı abattandyrylyp jatyr.
Jasyl jelek, gúlder otyrǵyzylyp, tóbeler jasalǵan. Jasyl aımaqtyń jalpy kólemi - 1 gektar. Shaǵyn arhıtektýralyq pishinder, balalardyń oıyn alańdary, dekoratıvti trekter boı kóterip, júrginshi trotýarlary salynýda.
Qala ákimine Naýryzbaı aýdany ákimdiginiń jańa ǵımaraty shildeniń basynda ashylatyndyǵy aıtyldy.
«Qazirgi kezde munda ishki árleý, tehnologııalyq qondyrǵylardy ornatý, nysan aınalasyn kógaldandyrý jumystary júrip jatyr. Bes qabatty ǵımarat aldyna kólemi 1 gektar bolatyn gúlzar jasalady. ІІB-niń jańa nysanynyń, 1 200 oryndy mekteptiń qurylysy aıaqtalyp qaldy. 500 adamǵa qyzmet kórsetetin emhana da iske qosylady. Bulardyń barlyǵy kelesi aıdyń basynda paıdalanýǵa beriledi», - aýdan ákimdiginiń ókilderi.
Olardyń aıtýynsha, HQKO, poshta,sot, prokýratýra, ádilet basqarmasy ornalasatyn keshendi ákimshilik nysan ishinde de árleý jumystary júrip jatyr. Bul keshen bıylǵy jyldyń tamyz aıynda beriledi dep josparlanǵan.
Jalpy, aýdanda turǵyn úı salý, magıstarldy joldardy tesý, Qalqaman jáne Alty Alash eldi mekenderinde uzyndyǵy 17,3 shaqyrym bolatyn jol salý jumystary júrip jatyr. Jandosov kóshesi, Saın kóshesinen Taýsamaly aýylyna deıin uzyndyǵy 2,08 shaqyrym bolatyn jol kúrdeli jóndeýden ótýde. Joldyń kólik qozǵalysy bóligi 4 jolaqty bolyp keńeıtilip jatyr. «Qarǵaly» ózeni boıyndaǵy kópir qaıta jasalyp, 2 shaqyrymdyq velojol men 4 shaqyrymdyq trotýarlar salynýda.