«Nauryz» Ulttyq telehıkaıalar báıgesine ótinim qabyldaý bastaldy
«Nauryz» Ulttyq báıgesi Aqparat jáne qoǵamdyq damý mınıstrliginiń qoldaýymen alǵash ret ótkizilgeli otyr.
Búgin nauryz-awards.kz saıtynda konkýrsqa qatysýǵa ótinim qabyldaý bastaldy. Ótinim berý 2023 jyldyń 15 naýryzyna deıin jalǵasady.
Báıgege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efırinde, YouTube jáne basqa da platformalarda kórsetilgen serıaldar qatysa alady.
Konkýrsqa ótinimdi respýblıkalyq jáne aımaqtyq televızııalyq habar taratý kompanııalary, stýdııalar, prodıýserlik ortalyqtar jáne serıaldardy óndiretin medıaındýstrııanyń basqa da uıymdary bere alady.
Konkýrs 13 nomınatsııa boıynsha ótedi:
1. Úzdik tarıhı serıal
2. Úzdik dramalyq serıal
3. Úzdik komedııalyq serıal
4. Úzdik veb-serıal
5. Úzdik akter
6. Úzdik aktrısa
7. Ekinshi plandaǵy úzdik akter
8. Ekinshi plandaǵy úzdik aktrısa
9. Úzdik rejısser
10. Úzdik stsenarıst
11. Úzdik qoıýshy – operator
12. Úzdik montaj
13. Úzdik saýndtrek
Báıgeniń negizgi maqsaty – serıaldyq kontentti damytýdy qoldaý, otandyq jáne halyqaralyq onlaın – platformalarda qazaqstandyq telehıkaıalardy kórermen arasynda tanymal etý.
Jeńimpaz esimder naýryz aıynda belgili bolyp, olarǵa NAURYZ arnaıy músinshesi jáne 1 mıllıon teńge kólemindegi syıaqy tabystalady.